اتىراۋدا وبلىس اكىمىنىڭ حالىققا ەسەپ بەرۋ كەزدەسۋى بولىپ جاتىر. «جايىق» سپورت كەشەنىندە ەكى مىڭ ادامنىڭ الدىندا نۇرلان نوعاەۆ «2018 جىلعى اتىراۋ وبلىسىنىڭ الەۋمەتتىك-ەكونوميكالىق دامۋ قورتىندىلارى» تۋرالى بايانداپ, بيىلعى جوسپارلاردى ايتتى.
ايماق باسشىسىنىڭ ايتۋىنشا, قازىر اتىراۋ وبلىسىندا مەملەكەتتىك ورگانداردىڭ تۇرعىندارمەن كەرى بايلانىسىن ورناتۋعا كوڭىل ءبولىنىپ وتىر.
-2017 جىلعى قىركۇيەكتە اشىلعان تەلەگرامم قوسىمشاسىنداعى «اكيمات اتىراۋسكوي وبلاستي» چات-كانالى تۇرعىندار اراسىندا سۇرانىسقا يە. بۇگىنگە دەيىن كانالعا 4 مىڭنان استام ادام تىركەلگەن. سوڭعى مونيتورينگ پەن تالداۋ قورىتىندىلارى تۇرعىنداردان 3500-گە جۋىق ءوتىنىم تۇسكەنىن كورسەتتى,-دەدى اتىراۋ وبلىسىنىڭ اكىمى.
سونىمەن قاتار, 2018 جىلدىڭ قاڭتارىندا «اتىراۋ تسيفرلىق قابىلداۋ» (ACQ) ءموبيلدى قوسىمشاسى ىسكە قوسىلدى. قوسىمشاعا 4000-نان استام ادام تىركەلگەن. بۇگىنگە دەيىن 1500-دەن استام ءوتىنىم ءتۇستى.
-مەملەكەتتىك ورگاندار باسشىلارى مەن اۋدان اكىمدەرى الەۋمەتتىك جەلىلەردە اتىراۋ وبلىستىق اكىمدىگىنىڭ رەسمي پاراقشاسى ارقىلى تىكەلەي جەلىگە شىعىپ, تۇرعىندار الدىندا ەسەپ بەردى. بۇل تۇرعىندارعا ۇيلەرىنەن شىقپاي-اق ونلاين تارتىپتە سۇراق قويىپ, جاۋاپ الۋلارىنا مۇمكىندىك بەرىپ وتىر, -دەدى نۇرلان نوعاەۆ.
ايماق باسشىسىنىڭ ايتۋىنشا, Facebook, Instagram الەۋمەتتىك جەلىلەرى ارقىلى اقپان ايىنان باستاپ 7 اۋدان اكىمى مەن 5 باسقارما باسشىسى قالالىق بولىمدەرىمەن بىرگە تىكەلەي بايلانىسقا شىققان. تىكەلەي ەفيرلەر ەكى اپتادا 50 مىڭنان استام تۇرعىندى قامتىپ, 1000-عا جۋىق سۇراق ءتۇستى.
باقىتگۇل باباش,
«Egemen Qazaqstan»
اتىراۋ
