قازاقستاننان ۇيرەنەرىمىز بار – دەيدى قىرعىزستان حالقى اسسامبلەياسى كەڭەسىنىڭ توراعاسى

سەنبى, 12 مامىر 2012 8:05

قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ ەتنوسارالىق جانە كونفەسسياارالىق سالانى زەرتتەۋ جونىندەگى ورتالىعىندا قازاقستان حالقى اسسام­بلەياسى اتىنان سايلانعان پارلامەنت ءماجىلىسىنىڭ دەپۋتاتتارى, اس­سامبلەيانىڭ عىلىمي-ساراپتامالىق كەڭەسى مۇشەلەرى, اكادە­ميا­نىڭ ماگيسترانتتارى قىرعىز رەسپۋبليكاسىنىڭ پرەزيدەنتى الماز­بەك اتامباەۆتىڭ ەلىمىزگە رەسمي ساپارى اياسىندا استاناعا كەلگەن دەلەگاتسيا­سىنىڭ قۇرامىنداعى قىرعىزستان حالقى اسسامبلەياسى كەڭەسىنىڭ توراعاسى, قىرعىز رەسپۋبليكاسى پرەزيدەنتىنىڭ كەڭەسشىسى بەكتەمىر مۋرزۋبرايموۆپەن كەزدەستى.

سەنبى, 12 مامىر 2012 8:05

قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ ەتنوسارالىق جانە كونفەسسياارالىق سالانى زەرتتەۋ جونىندەگى ورتالىعىندا قازاقستان حالقى اسسام­بلەياسى اتىنان سايلانعان پارلامەنت ءماجىلىسىنىڭ دەپۋتاتتارى, اس­سامبلەيانىڭ عىلىمي-ساراپتامالىق كەڭەسى مۇشەلەرى, اكادە­ميا­نىڭ ماگيسترانتتارى قىرعىز رەسپۋبليكاسىنىڭ پرەزيدەنتى الماز­بەك اتامباەۆتىڭ ەلىمىزگە رەسمي ساپارى اياسىندا استاناعا كەلگەن دەلەگاتسيا­سىنىڭ قۇرامىنداعى قىرعىزستان حالقى اسسامبلەياسى كەڭەسىنىڭ توراعاسى, قىرعىز رەسپۋبليكاسى پرەزيدەنتىنىڭ كەڭەسشىسى بەكتەمىر مۋرزۋبرايموۆپەن كەزدەستى.

كەزدەسۋ قىرعىزستان حال­قى اسسامبلەياسىنىڭ باستا­ما­سىمەن باۋىرلاس ەكى ەل اسسامبلەيالارى اراسىنداعى ەكىجاقتى قارىم-قاتىناستى نىعايتۋ, قازاقستاننىڭ ءما­دەنيەتارالىق ۇنقاتىسۋ سا­لا­سىنداعى جەتىستىكتەرىمەن, ەتنوسارالىق تولەرانت­تى­لىق­تىڭ قازاقستاندىق ءۇل­گى­سىمەن جانە قازاقستان حالقى اسسامبلەياسى قىزمەتىمەن, ونىڭ پارلامەنتتەگى وكىل­دى­گىمەن, سونداي-اق, قحا-دان سايلانعان دەپۋتاتتار جۇ­مى­سىمەن كەڭىنەن تانىسۋ ماقساتىندا ۇيىمداس­تى­رىل­دى.

جيىن بارىسىندا تاراپتار ەتنوسارالىق تولەرانت­تى­لىق پەن قوعامدىق كەلىسىمدى بەكىتۋ بويىنشا گۋ­ما­نيتارلىق سالاداعى بىرلەسكەن ارىپتەستىككە, مەملەكەت, ءوڭىر تۇراقتىلىعىن قامتا­ما­سىز ەتۋگە قاتىستى ءبىر­قا­تار ماسەلەنى تالقى تارا­زىسىنا سالدى.

«مەن بۇل ساپار اياسىندا «الجير» مەموريالدى-مۇ­راجاي كەشەنىن ارالادىم, وندا بولعاننان كەيىن كوڭى­لىمىز ءتۇسىپ كەتكەندەي بول­دى. ارينە, قانشاما زامان وتسە دە, قانشاما ۇرپاق الماسسا دا, تاريح ەشقاشان ۇمىتىلمايدى. اسىرەسە, كەلەشەك بۋىن ءۇشىن, جاستار ءۇشىن تاريحتىڭ الاتىن ورنى ۇلكەن. بۇل مۇراجاي سونى­سى­مەن قۇندى. سونداي-اق, مەن قحا حاتشىلىعىندا وتكەن كەزدەسۋگە قاتىستىم. كەزدەسۋ بارىسىندا حات­شى­لىق باسشىلىعىمەن پىكىر الماسۋلار بولدى. بۇدان ءبىر جىل بۇرىن, ياعني 2011 جىل­دىڭ 20 ماۋسىمىندا قازاق­ستان حالقى اسسامبلەياسى مەن قىرعىزستان حالقى اس­سامبلەياسى اراسىنداعى ىن­تىماقتاستىق تۋرالى مەمو­راندۋمعا قول قويىلعان ەدى. بۇل مەموراندۋمعا سايكەس, تاراپتار قوس مەملەكەتتىڭ دوستىعىن نىعايتۋ ءۇشىن ءارىپ­تەستىك قارىم-قاتىناس­تىڭ قاجەتتىلىگىن مويىنداي كەلە, گۋمانيتارلىق, مادە­نيەت جانە مادەني مۇرا, ءوزارا ۇنقاتىسۋ باعىتتارى بويىنشا تاجىريبە الماسۋ الەۋەتىن پايدالانا وتىرىپ, ەتنوسارالىق جانە كونفەس­سيا­ارالىق قاتىناستار سالا­سىنداعى بىرلەسكەن ءىس-شا­رالاردى ىسكە اسىرۋدى كەلىسكەن بولاتىن», دەدى ب. مۋر­زۋبرايموۆ. ول ءوز ءسوزىن­دە بۇگىندە ەلدىڭ جوگوركۋ كەنەشىندە 120 دەپۋتات بولسا, ونىڭ 15-ءى ءتۇرلى ەتنوس وكىلدەرىنەن تۇراتىنىنا توق­تالدى. ونىڭ ايتۋىنشا, وتكەن جىلى قحا-نىڭ قىر­عىزستانعا ساپارى بارى­سىن­دا ەتنوسارالىق تولەرانت­تى­لىقتىڭ قازاقستاندىق ۇلگىسى كەڭىنەن تانىستىرىلعان. «ءبىز قازاقستاندىق ۇلگىنى تۇ­تاستاي كوشىرىپ الۋدى كوز­دەمەيمىز. الايدا, بۇل سالادا قازاقستاننان كوپ نارسە ۇيرەنۋگە بولاتىن سەكىلدى. ەتنوسارالىق جانە كون­فەس­سياارالىق تاتۋلىقتىڭ قا­زاقستاندىق ۇلگىسى دۇنيە­جۇ­زىلىك اۋقىمدا كەڭىنەن تانى­مال. ەتنوسارالىق ماسەلە­لەر­مەن اينالىساتىن مۇن­داي ۇيىمنىڭ بالاماسى الەم­دە جوق دەسە دە بولادى. ءبىز وسى ۇلگىنى ءوز ەلىمىزدە قولدانۋ ءۇشىن دە باسشى­لىققا الماقپىز. ماسەلەن, قىرعىزستان حالقى اس­سام­بلەياسى جانىنان عىلىمي-ساراپتامالىق كەڭەس قۇرۋ ويىمىزدا بار. ەڭ باستىسى, ورتالىق ازيا وڭىرىندە, قازاقستاندا بەيبىتشىلىك, تۇ­راقتىلىق, ءوزارا ءتۇسىنىس­تىك بولعانىن قالايمىز. وسى باعىتتا قازاق ەلىنەن, ونىڭ تاجىريبەسىنەن ۇيرە­نە­تىن تۇسىمىز كوپ», دەدى قىر­عىزستان حالقى اسسامبلەياسى كەڭەسىنىڭ توراعاسى.

قازىرگى تاڭدا ەكى ەل ارا­سىندا ەتنوسارالىق ىنتى­ماقتاستىقتى دامىتۋ ماسە­لە­لەرى بويىنشا تىعىز باي­لانىس ورناتىلعان. ماسە­لەن, بيىلعى جىلدىڭ ناۋ­رىز ايىندا قحا دەلەگا­تسيا­سىنىڭ قىرعىز رەسپۋب­لي­كا­سىنا جاساعان ەكى كۇندىك جۇ­مىس ساپارى, ساپار اياسىندا «قازاقستان مەن قىرعىز­ستان­نىڭ ەتنوسارالىق قا­تى­ناستار سالاسىنداعى مەملەكەتتىك ساياساتى» اتتى حا­لىق­ارالىق سەميناردىڭ ۇيىم­داستىرىلۋى وسىنىڭ دالەلى دەر ەدىك.

استاناعا ساپارى اياسىن­دا ب.مۋرزۋبرايموۆ ۇلتتىق اكادەميالىق كىتاپحاناداعى قحا دەپوزيتاريىن تاماشالاپ, «اتامەكەن – قازاق­ستان كارتاسى» ەتنومادەني مۇراجاي-كەشەنىن ارالادى.

ءلايلا ەدىلقىزى,

«ەگەمەن قازاقستان».