ويتكەنى, سۋرەتتى اڭگىمەلەر مەن حيكايالاردى بايانداۋدىڭ وزىندىك قالىپتاسقان مانەرىمەن قاتار ەرەكشەلىكتەرى مەن قيىندىقتارى از ەمەس كورىنەدى.
«بالا كۇنىمىزدە كوميكستەردى گازەت-جۋرنالداردان كورسەك تە, اسا ءمان بەرە قويماپپىز. بىردە كوميكستەر بەينەلەنگەن ءبىر كىتاپتى اشىپ, قاراپ وتىرسام, ىشىندەگى سۋرەتتەر مەن جازبالاردىڭ بارلىعى قىزىق كورىنىپ, ەرەكشە ۇنادى. ءبىرىنشى بەتىنەن سۋرەتتەرگە نازار اۋدارىپ, اينالاسىنداعى جازۋلاردى وقىساڭ, قۇددى ءبىر فيلم قاراپ وتىرعانداي اسەرگە بولەنەسىڭ. ارقايسىسى بەلگىلى ءبىر وقيعا جەلىسىن بايانداپ, وزىنە ەرىكسىز باۋراپ الادى», دەيدى ول.
نەگىزى كوميكس ونەرىنىڭ تاريحى XVII عاسىردا يسپانيانىڭ ۆالەنسيا جانە بارسەلونا قالالارىنان باستاۋ الادى ەكەن. ول كەزدە بەينەلەر كادىمدى شاعىن جادناما قاعازدارعا سالىنىپتى. 1870 جىلدارى باسپا بەتتەرىندە جارىق كورە باستايدى. ەلىمىزدە جاستاردىڭ قىزىعۋشىلىعى باسىم.
ءتول تۋىندىلارىن سالۋدى ەندى باستاعان كلۋب مۇشەلەرىنىڭ العاشقى ەڭبەكتەرى جۇرتشىلىق تاراپىنان جوعارى باعالانىپتى. ءتۇرلى وقيعالار جەلىسى مونولوگ, ديالوگ ۇلگىسىندە باياندالاتىن كوميكستەردى جيناق ەتىپ قۇراستىرۋ ويلارىندا بار. كوميكستەر ازىرلەيتىن تۇراقتى اۆتورلاردىڭ پاتريوتتىق تاربيە, گەندەرلىك تەندىككە قاتىستى شىعارمالارى ۇلكەن سۇرانىسقا يە.
كەلەشەكتەگى جوسپارلارى ءتىپتى اۋقىمدى. جازدا استانا قالاسىندا تۇڭعىش رەت وتەتىن قازاقستاندىق كوميكستەر فەستيۆالىنە قاتىسپاق نيەتتە.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
