«فۋد ماستەر» قازاقستان نارىعىندا 1995 جىلدان باستاپ ءسۇت ونىمدەرىن شىعارادى. كومپانيا ءۇش زاۋىتىمەن تانىلعان. سونداي-اق 16 ساۋدا فيليالى جانە 2 جەكە ءسۇت شىعاراتىن فەرماسى بار. كومپانيانىڭ مالىمەتتەرىنە سايكەس, ول وتاندىق وندىرۋشىلەر اراسىندا باسىم ۇلەس الادى. «President» ايران, قايماق جانە سۇزبەسىن, «دولچە» يوگۋرتىن, ت.ب. ونىمدەر شىعارادى. 2004 جىلدان بەرى «فۋدماستەر» جشس حالىقارالىق Lactalis (فرانتسيا) توبىنىڭ قۇرامىندا.
ءسۇت پەن كىلەگەي ەكسپورتى ءبىر جىلدا 47,6%-عا, ىرىمشىك-سۇزبە ونىمدەرىنىڭ ەكسپورتى 4,2%-عا ءوستى. مىسالى, «فۋدماستەر» كومپانياسى ورتا ازيا ەلدەرىنە, سونداي-اق رەسەي فەدەراتسياسىنىڭ كوپتەگەن ءىرى ساۋدا جەلىلەرىنە دە ونىمدەرىن تاسىمالدايدى.
الماتى وبلىسىندا ءسۇت ونىمدەرىن ءوندىرۋ مەن مال شارۋاشىلىعىن ودان ءارى دامىتۋ ءۇشىن 2018 جىلى 7 وتباسىلىق ءسۇت فەرماسى قۇرىلدى. ولار وبلىس بويىنشا ءسۇتتىڭ 20%-ىن وندىرەدى. 2021 جىلعا قاراي وتباسىلىق ءسۇت فەرمالارىن قۇرۋ ەسەبىنەن ءسۇت زاۋىتتارىن ساپالى سۇتپەن تولىق قامتاماسىز ەتۋ جوسپارلانۋدا.
2019 جىلدىڭ قاڭتار ايىنىڭ قورىتىندىسى بويىنشا ەلىمىزدىڭ دۇكەندەرىندە ءسۇت ونىمدەرىنىڭ باعاسى ءبىر جىلدا: شيكى سۇتكە 6,8%-عا (ليترىنە 212,6 تگ), پاستەرلەنگەن سۇتكە 6,5%-عا (قر بويىنشا ورتاشا ليترىنە 229 تگ), قايماققا 6,9%-عا (كيلوگرامىنا 1055,5 تگ), ايران 5%-عا (ليترىنە 285,2 تگ), سۇزبە 6,4%-عا (قاڭتار ايىنىڭ قورىتىندىسى بويىنشا كيلوگرامم ءۇشىن 1596,4 تگ) دەيىن وسكەن.
