ءىس-شاراعا «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ, باسقارما توراعاسىنىڭ ورىنباسارى داۋلەت بەكمانوۆ جانە باسقارمانىڭ اقپاراتتىق قاۋىپسىزدىك دەپارتامەنتىنىڭ ديرەكتورى عاني ءنادىرحانوۆ قاتىستى.
2018 جىلى «ۇات» اق-مەن سۇيەمەلدەنەتىن اقپاراتتىق جۇيەلەردىڭ قولجەتىمدىلىگىنىڭ يندەكسى 99,95%-دى قۇرادى (جوسپار بويىنشا 99%).
«ۇات» اق-نىڭ حالىققا كورسەتەتىن مەملەكەتتىك قىزمەتتەرىنىڭ ەڭ باستى باعىتى بولىپ تابىلاتىن eGOV.kz پورتالىن سوڭعى 10 جىلدا پايدالانۋشىلاردىڭ سانى 800 ەسەگە جۋىقتادى. ياعني 2009 جىلى 10960 پايدالانۋشى بولسا, بۇگىنگى كۇنى ولاردىڭ جالپى سانى 8,6 ميلليوننان استى.
2018 جىلى پورتال ارقىلى اۋدارىلعان ترانزاكتسيالار سوماسى 18,5 ملرد.تەڭگەدەن استام سومانى قۇرادى.
eGOV.kz پورتالى ارقىلى قولدانىستاعى 235 قىزمەت پەن سەرۆيس بويىنشا 27,5 ملن.-نان استام مەملەكەتتىك قىزمەت كورسەتىلسە, ال تەلەگرامم-بوت ارقىلى 24 ەلەكتروندىق قىزمەت بويىنشا 141 مىڭ ادامنان 160 مىڭ سۇراۋ كەلىپ ءتۇستى. جىل قورىتىندىسى بويىنشا تەلەگرامم مەسسەندجەرىندە ازاماتتار تاراپىنان ەڭ كوپ قولدانىلعان قىزمەت - مەكەنجاي انىقتاماسى, بۇل قىزمەت بويىنشا 60 مىڭنان استام رەت انىقتاما سۇراتىلسا, ال سوتتىلىقتىڭ بولۋى نەمەسە بولماۋى تۋرالى انىقتاما شامامەن 20 مىڭ رەت سۇرالعان.
eGOV.kz پورتالىنىڭ 5 قىزمەتى كاسسا 24 تەرمينالدارىندا تاجىريبەلىك پايدالانۋعا بەرىلدى.
«تسيفرلىق قازاقستان» مەملەكەتتىك باعدارلاماسىن ىسكە اسىرۋ اياسىندا ۆيرتۋالدى كەڭەس بەرۋ باعدارلاماسى (چات-بوت) ەنگىزىلۋدە. قازىرگى ۋاقىتتا چات-بوت تەستىلىك رەجيمدە 1414.kz فورۋمىندا, eGOV.kz پورتالىندا, Telegram جانە Facebook مەسسەندجەرلەرىندە ىسكە قوسىلدى. باسقارما توراعاسى اسەت تۇرىسوۆتىڭ مالىمدەۋىنشە, ۆيرتۋالدى كەڭەس بەرۋ باعدارلاماسى كورسەتىلەتىن 33 مەملەكەتتىك قىزمەت بويىنشا 299 سۇراققا جاۋاپ بەرە الادى. سونىمەن قاتار «Mgov» قوسىمشاسى اقپاراتتىق قاۋىپسىزدىك سايكەستىگى بويىنشا اتتەستاتتاۋدان ءساتتى ءوتىپ, بۇگىنگى كۇنى ازاماتتارعا قوسىمشا ارقىلى 90-عا جۋىق قىزمەت, ال @EgovKzBot تەلەگرامى ارقىلى 24 قىزمەت قولجەتىمدى. وتكەن جىلى «mGov» قوسىمشاسى 1,3 ملن. رەت جۇكتەلىپ, 2017 جىلمەن سالىستىرعاندا 58%-عا نەمەسە 2 ەسەدەن استام كورسەتكىشكە ارتتى. ال قوسىمشا ارقىلى 3,6 ملن.-نان استام مەملەكەتتىك قىزمەت كورسەتىلدى.
ۇقك اقپاراتتىق قاۋىپسىزدىكتى ۇلتتىق ۇيلەستىرۋ ورتالىعىمەن بىرلەسىپ, 2019 جىلى كيبەرقاۋىپسىزدىك وقيعالارىنا قارسى ارەكەت ەتۋ جونىندەگى Security Operation Center قۇرىلادى.
2018 جىلى قاۋىپسىزدىك جۇيەسىندە 142 930 274 شابۋىل تىركەلىپ, بۇعاتتالدى. جالپى SOC-تىڭ نەگىزگى ارتىقشىلىعى - اقپاراتتىق قاۋىپسىزدىك وقيعالارى تۋرالى دەرەكتەرگە تۇراقتى مونيتورينگ جانە تالداۋ جۇرگىزۋ ارقىلى ولاردى انىقتاۋ پروتسەسىن جاقسارتۋ.
اسەت تۇرىسوۆتىڭ ايتۋىنشا, 2019 جىلى «Smart Bridge» جوباسىن جۇزەگە اسىرۋ جوسپارلانۋدا. «Smart Bridge» جوباسى - بۇل مەملەكەتتىك ورگاندار مەن جەكە مەنشىك سەكتور اراسىنداعى اقپاراتتىق جۇيەلەردى وڭتايلاندىرۋدىڭ جەڭىلدەتىلگەن پروتسەسى, سونداي-اق back پلاتفورما بازاسىندا مەملەكەتتىك ورگانداردىڭ اقپاراتتىق جۇيەلەرىن جۇيەلىك-تەحنيكالىق سۇيەمەلدەۋ.
2018 جىلعى ەڭ تانىمال 10 قىزمەت توپتاماسى
№ قىزمەت اتاۋى سانى
مەكەنجاي انىقتاماسى 14 032 798
دارىگەردىڭ قابىلداۋىنا جازىلۋ 2 877 713
جىلجىمايتىن م ۇلىككە تىركەلگەن قۇقىقتار تۋرالى انىقتامالار 2 515 714
جەكە تۇلعانىڭ جىلجىمايتىن مۇلكىنىڭ بولماۋى/بولۋى تۋرالى انىقتاما 2 311 798
سوتتىلىعىنىڭ بولۋى نەمەسە بولماۋى تۋرالى انىقتاما 1 822 669
بجزق سالىمشىسى قاراجاتىنىڭ قوزعالىسى تۋرالى اقپارات 1 501 726
زاڭدى تۇلعالاردى تىركەۋ 933 041
جەكە قوسالقى شارۋاشىلىقتىڭ بولۋى تۋرالى انىقتاما 799 945
زت-نىڭ تىركەۋدىڭ بارلىق ارەكەتتەرى تۋرالى انىقتاما 371 476
جەكە تۇلعانىڭ زاڭدى تۇلعاعا قاتىسۋى تۋرالى انىقتاما 293 396
