18 اقپان، 2019

كوكتايعاقتا اپاتتان قالاي ساقتانۋعا بولادى؟

269 رەتكورسەتىلدى

جەر تايعاق بولعاندا، ەڭ الدىمەن قولايلى اياق كيىم كيۋدى ويلاڭىز. وكشەسى (3-4 سم - دەن بيىك ەمەس) ورنىقتى، تۇمسىق جاعى كەڭ، بۇدىرلى، تابانى قالىڭ، ىڭعايلى، سىرعانامايتىن اياق كيىم كيىڭىز – تابانى نەعۇرلىم ۇلكەنىرەك بولسا، سوعۇرلىم از تايعانايدى.

جەر تايعاق بولعاندا، ەڭ الدىمەن قولايلى اياق كيىم كيۋدى ويلاڭىز. وكشەسى (3-4 سم - دەن بيىك ەمەس) ورنىقتى، تۇمسىق جاعى كەڭ، بۇدىرلى، تابانى قالىڭ، ىڭعايلى، سىرعانامايتىن اياق كيىم كيىڭىز – تابانى نەعۇرلىم ۇلكەنىرەك بولسا، سوعۇرلىم از تايعانايدى.

اسىقپاي، باياۋ ءجۇرۋ ءۇشىن ۇيدەن ەرتەرەك شىعۋ ەرەجەسىن ۇستانىڭىز.

قولدى قالتاعا سالماڭىز جانە قول سومكەنى قولىڭىزعا ءىلىپ الماڭىز – تەپە-تەڭدىكتى تەز قالپىنا كەلتىرۋ ءۇشىن قوزعالۋعا ىڭعايلى بولۋعا قولداردىڭ ەركىن قوزعالىسى قاجەت. يىققا اساتىن، تۇتقاسى ۇزىن سومكەدەن باس تارتىڭىز، وڭ جاق جانە سول جاق قولعا اۋىرلىق بىردەي بولاتىنداي، سومكەنى ەكى قولمەن ۇستاڭىز.

كوك تايعاق كەزىندە قارت ادامدارعا ءسۇيىر كەرتىگى بار تاياقسىز نەمەسە رەزەڭكە ۇشى بار تروسسىز ۇيدەن شىعۋعا بولمايدى (كادىمگى شاڭعى تاياقشاسىن الۋعا دا بولادى).

ەگەر ءسىز ۇزىن پالتو نەمەسە تون كيگەن بولساڭىز، كولىكتەن تۇسەتىن كەزدە نەمەسە باسپالداقپەن ءتۇسىپ كەلە جاتقاندا مىندەتتى تۇردە كيىمنىڭ ەتەگىن جارتىلاي كوتەرىپ الىڭىز.

كەتىپ بارا جاتقان اۆتوبۋستىڭ نەمەسە مارشرۋتكانىڭ ارتىنان قۋا جونەلمەڭىز، اياعىڭىز تايىپ، قۇلاپ كەتۋىڭىز مۇمكىن.

ەگەر قۇلاماۋعا بولمايتىن جاعدايدى سەزىنسەڭىز، ارتىق زاتتاردىڭ بارلىعىن لاقتىرىپ تاستاۋعا تىرىسىڭىز. سومكەلەر، ەگەر ولاردا سىناتىن نارسە بولسا، جاعدايدى ناشارلاتۋى مۇمكىن. قۇلاعان كەزدە بۇلشىق ەتتەر سوققىنى امورتيزاتسيالاۋ ءۇشىن ولاردى قاتايتۋعا، "توپتاستىرىپ،" بۇگىلۋگە تىرىسىڭىز: قولىڭىزدى ەركىن ۇستاڭىز. ەگەر ارقاڭىزبەن ەمەس، ءبىر بۇيىرلەپ جەرگە قۇلاساڭىز جاقسى: وندا جەڭىل جاراقاتپەن قۇتىلۋعا بولادى. ەگەر سوندا دا جاراقات الىپ، قۇلاپ قالساڭىز، تراۆماتولوگيالىق پۋنكتكە قارالىڭىز.

كوكتايعاق جاعدايىندا جول-كولىك اپاتتارىنىڭ الدىن الۋ

ەگەر ءسىز كوكتايعاق كەزىندە دالاعا شىقساڭىز، بۇل جاعدايدا قاۋىپسىز قوزعالىستى قامتاماسىز ەتۋ ءۇشىن نەگىزگى قاعيدالاردى ۇمىتپاڭىز: قوزعالىس باستالماس بۇرىن، بۇرىلعاندا، اينالعاندا، قاتاردى قايتادان تۇزەگەندە نەمەسە توقتاعاندا ءتيىستى سيگنالداردى بەرۋدى ۇمىتپاڭىز. ەڭ ماڭىزدى ساقتىق شاراسى - كەدەرگىسىز توقتاۋعا جانە تەجەۋگە مۇمكىندىك بەرەتىن قاۋىپسىز قاشىقتىقتى ساقتاۋ بولىپ تابىلادى. ارتتا كەلە جاتقان كولىكتىڭ جۇرگىزۋشىسىن الداعى تەجەۋ تۋرالى ەسكەرتۋ ءۇشىن، جىپىلىقتايتىن توقتاۋ سيگنالىمەن نازار اۋدارا وتىرىپ، تەجەگىش باسقىشىن بىرنەشە رەت تۇرتۋگە بولادى.

جۇرگىزۋشى جولدى كەسىپ وتەتىن ادامدارعا جول بەرۋى ءتيىس، ال جاياۋ جۇرگىنشىلەر بۇل ءۇشىن ارنايى بەلگىلەنگەن ورىنداردا بارىنشا ابايلاپ وتۋگە مىندەتتى ەكەنىن ەستە ساقتاعان ءجون.

سوڭعى جاڭالىقتار

ۇقساس جاڭالىقتار