- اللانىڭ قالاۋىمەن دۋباي تورىندە التىن تاعۋدىڭ ءساتى ءتۇستى. كاراتە وليمپياداعا باعدارلاماسىنا ەنگەن سوڭ رەيتينگىلىك تۋرنيرلەر قاتارى كۇرت كوبەيگەنىن بىلەسىزدەر. مىنە, اينالدىرعان ءبىر ايدىڭ شاماسىندا ەكىنشى ءىرى جارىستى ەڭسەرىپ وتىرمىز.
قاڭتاردىڭ ورتا تۇسىندا پاريجدە وتكەن كەزەڭدە قولا مەدال يەلەنگەن ەدىم. وسى جولى التىنعا دا قول سوزدىم. ارينە, بۇل مەنىڭ پرەمەر-ليگا كەزەڭدەرىندەگى العاشقى بيىگىم ەمەس. دەسە دە, وليمپيادا قارساڭىندا بۇل مەدالدىڭ ورنى ەرەكشە. ويتكەنى, تاپ وسى جەڭىستەرىم ارقىلى توكيوعا اپاراتىن جول اشىلارى ءسوزسىز. بۇل جارىستاردىڭ بارلىعىندا ليتسەنزيالىق ۇپايلار تاراتىلادى. سول ءۇشىن بار كۇشىمىزدى سالۋدامىز.
دۋبايعا ساقاداي ساي كۇيىمدە باردىم. بىراق ەشبىر قارسىلاسىمدى ءبولىپ جارمايمىن. ءبىرىنشى كەزدەسۋدەن باستاپ فينالعا دەيىنگى جەكپە-جەكتەردىڭ بىردە-ءبىرى ماعان وڭاي سوققان جوق. بارلىعىندا 100 پايىز كۇشىمدى جۇمساپ, سوڭىنا دەيىن بوساڭسىماۋعا تۋرا كەلدى.
پاريجدەگى تۋرنيردەن سوڭ الەمدىك رەيتينگتە 5-ءشى ورىندا تۇرعانمىن. ەندى ءبىر-ەكى ساتى جوعارىلايتىنىم ءسوزسىز.
كاراتەدەگى بارلىق تاجىريبەم مە كۇشىمدى وليمپيادا ويىندارىنا جولداما الىپ, تورتجىلدىق دوداسىندا جۇلدە الۋعا جۇمايمىن. باستى ماقسات – وليمپيادا ويىندارى, - دەيدى دارحان.
ەسكە سالا كەتەيىك, دارحان ءاسادىلوۆ كاراتەدەن الەم چەمپيوناتىنىڭ قولا جۇلدەگەرى. ازيا ويىندارىنىڭ چەمپيونى ءارى جۇلدەگەرى.
