ساياسات • 18 اقپان، 2019

ق.توقاەۆ ميۋنحەن كونفەرەنتسياسىنا قاتىستى

216 رەتكورسەتىلدى

قازاقستان پارلامەنتى سەناتىنىڭ توراعاسى قاسىم-جومارت توقاەۆ مەملەكەت باسشىسىنىڭ تاپسىرماسى بويىنشا 15-17 اقپاندا ميۋنحەن قاۋىپسىزدىك كونفەرەنتسياسىنا قاتىستى.

تانىمال الەمدىك ساياساتكەرلەر، ساراپشىلار مەن قوعام قايراتكەرلەرى باس قوساتىن بەدەلدى فورۋم ءداستۇر بويىنشا جاھاندىق جانە ايماقتىق قاۋىپسىزدىكتىڭ ەڭ ماڭىزدى ماسەلەلەرىن تالقىلادى. كونفەرەنتسياعا قاتىسۋشىلار تاياۋ شىعىس، بالكان مەن كاۆكازدا بەيبىتشىلىكتى قامتاماسىز ەتۋدىڭ كەلەشەگى پىكىرسايىستىڭ باستى نازارىندا بولدى. جەكەلەگەن سەسسيالار حالىقارالىق ساۋدا، قارۋ-جاراقتى باقىلاۋ، كليمات وزگەرىستەرى مەن كيبەرتەحنولوگيانىڭ قاۋىپسىزدىك جاعدايىنا اسەرىنە ارنالدى.

كونفەرەنتسيادا مەملەكەتتەر مەن ۇكىمەتتەردىڭ باسشىلارى، پارلامەنتتەر توراعالارى، حالىقارالىق ۇيىمداردىڭ كوشباسشىلارى، ىقپالدى ساراپشىلار ءسوز سويلەدى. سەنات توراعاسى بىرقاتار پانەلدىك سەسسيالارعا جانە «ترانسۇلتتىق قاۋىپسىزدىك» تاقىرىبىنا ارنالعان دوڭگەلەك ۇستەلگە قاتىستى.

17 اقپاندا ق.توقاەۆ ميۋنحەن كونفەرەنتسياسىمەن ورايلاس وتكەن جوعارى دەڭگەيدەگى حالىقارالىق ينۆەستورلار قاتىسقان دوڭگەلەك ۇستەلگە قاتىستى. سەنات توراعاسى ترانسۇلتتىق 20-دان استام ءىرى قارجى كومپانيالارىنىڭ باسشىلارى قاتىسقان شارادا قازاقستاننىڭ ينۆەستيتسيالىق مۇمكىندىكتەرى تۋرالى ايتىپ بەردى.

ونىڭ سوزىندە بيزنەس احۋالدى ودان ءارى جاقسارتۋداعى قازاقستاننىڭ باعىت-باعدارىنا باسا نازار اۋدارىلدى. ق.توقاەۆ ءبىزدىڭ ەلىمىز 300 ميلليارد دوللارعا جۋىق سوماعا شەتەلدىك تىكەلەي ينۆەستيتسيا تارتقانىن حابارالادى. كاسىپكەرلىكتى قولداۋعا باعىتتالعان زاڭنامالىق شارالار دايەكتى تۇردە جۇزەگە اسىپ كەلەدى. ءىرى ينۆەستيتسيالىق جوبالاردى ىسكە اسىرۋعا ماقساتىندا تىكەلەي ينۆەستيتسيالار قورى قۇرىلادى. دۇنيەجۇزىلىك Doing Business بانكىنىڭ رەيتينگى بويىنشا قازاقستان 190 ەلدىڭ ىشىندە 28-ءشى ورىنعا شىقتى.

ق.توقاەۆ تاۋ-كەن، مەتاللۋرگيا، مۇنايگاز، ەنەرگەتيكا، كولىك جانە ۇلتتىق ەكونوميكانىڭ الدىڭعى قاتارداعى باسقا دا كاسىپورىندار اكتيۆتەرىن جاپپاي جەكەشەلەندىرۋ جوسپارى تۋرالى حابارلادى. توراعا ينۆەستورلاردى ەۋرازيالىق ەكونوميكالىق وداق، قىتاي، ورتالىق ازيانىڭ اۋقىمدى نارىقتارىنا باعدارلانعان ونىمدەر وندىرۋگە ارنالعان الاڭ رەتىندە قازاقستاننىڭ مۇمكىندىكتەرىن قاراستىرۋعا شاقىردى.

ق.توقاەۆ اتاپ وتكەندەي، قازاقستان ەكونوميكانى جەدەل جاڭعىرتۋ، جاڭا تەحنولوگيالار مەن يننوۆاتسيالاردى ەنگىزۋ باعىتىنا بەت الدى. كەزدەسۋگە قاتىسۋشىلار «نۇرلى جول» ستراتەگياسىن ىسكە اسىرۋدىڭ ارقاسىندا ءبىزدىڭ ەلىمىزدىڭ كولىك-ترانزيت الەۋەتى ەلەۋلى تۇردە ۇلعايعانىنا، ترانسقۇرلىقتىق جاڭا تەمىرجولدىڭ، حالىقارالىق اۆتوموبيل جانە تەڭىز جولدارىنىڭ ىسكە قوسىلۋىنا ەرەكشە نازار اۋداردى.

توراعا جاسىل، يسلامدىق جانە يننوۆاتسيالىق قارجى قۇرالدارىن دامىتۋدىڭ ايماقتىق ورتالىعى بولۋعا بارلىق مۇمكىندىكتەرى بار «استانا» حالىقارالىق قارجى ورتالىعىنىڭ جۇمىسىنا توقتالدى. بۇل كەزدەسۋگە «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ قاتىستى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار