ءبىر حالىقپىز, ءبىر تاعدىرمىز!
سەيسەنبى, 24 ءساۋىر 2012 7:23
بۇگىندە قازاق ەلىون سان ۇلتتار مەن ۇلىستاردىڭوردالى ۇيىعىنا, شادىمان كۇلكىلىباقىت ورداسىنااينالىپوتىرعاندىعىبەلگىلى. مۇنداناسىلگە بولۋ, دىنگەءبولۋ, ۇلتقا بولۋجوق. الا قويدىبولە قىرىقپاعانادىلەتتى دە ساليقالى ساياسات ۇستانعانقازاقستانداتاتۋلىق پەن تۇراقتىلىق ورناعانى دا سوندىقتان دەپ بىلۋىمىز كەرەك. الىنتىماقتى جەرگە ىرىس پەن باق قوناقتاپ, امسە باياندىلىقپەن تۇراقتايتىنىن حالقىمىزدىڭ عاسىرلار بويعى دانالىعى دارىپتەپ كەلەدى.
سەيسەنبى, 24 ءساۋىر 2012 7:23
بۇگىندە قازاق ەلىون سان ۇلتتار مەن ۇلىستاردىڭوردالى ۇيىعىنا, شادىمان كۇلكىلىباقىت ورداسىنااينالىپوتىرعاندىعىبەلگىلى. مۇنداناسىلگە بولۋ, دىنگەءبولۋ, ۇلتقا بولۋجوق. الا قويدىبولە قىرىقپاعانادىلەتتى دە ساليقالى ساياسات ۇستانعانقازاقستانداتاتۋلىق پەن تۇراقتىلىق ورناعانى دا سوندىقتان دەپ بىلۋىمىز كەرەك. الىنتىماقتى جەرگە ىرىس پەن باق قوناقتاپ, امسە باياندىلىقپەن تۇراقتايتىنىن حالقىمىزدىڭ عاسىرلار بويعى دانالىعى دارىپتەپ كەلەدى.
مىنە, بىزبەن اڭگىمەسىندە ناق وسى ورايداعى ورەلى ويلارىن قازاقستانحالقى اسسامبلەياسىنىڭ مۇشەسى, قازاقستاننىڭ ەڭبەك سىڭىرگەن قايراتكەرى, «كورەي مەملەكەتتىك رەسپۋبليكالىق مۋزىكالىق كومەديا تەاترى» قازىنالىق كاسىپورنىنىڭ ديرەكتورى, «قازاقستان حالقى اسسامبلەياسىالەۋمەتتىك كونسورتسيۋمى» قوعامدىق قورىنىڭ باس ديرەكتورى, قازاقستاننىڭ «سامۇرىق» ۇلت تەاترىنىڭ باس ديرەكتورى ليۋبوۆ نيورتاعا سالىپ ەدى:
ءبىز قازىردە قازاقستان حالقىنىڭ وردالى دا ورتاق, تاتۋ-ءتاتتى دە ونەگەلى وتباسىندا, كەرەگەسى كەڭىنەن تارتىلعان شاپاعاتتى شاڭىراعىنىڭ استىندا ءومىر كەشۋدەمىز. تەك پاراساتقا عانا جۇگىنگەن, مەيىرىم مەن ماحاببات لەبىزىنە عانا قۇلاق اساتىن بۇل وردادا ەشكىم دە ادامداردى ۇلتىنا قاراپ بولمەيدى. بۇل جەردە بارىنەن بۇرىن ىزگىلىك پەن ادالدىق, شىنايى شىنشىلدىق پەن دوستىق جوعارى باعالانادى. مەن ءوزىم انا رەتىندە, اجە رەتىندە ءاربىر قازاقستاندىق ءۇشىن بەيبىتشىلىك پەن تىنىشتىقتان, ءوز بالالارىمىزدىڭ بولاشاعى مەن ءوز شاڭىراعىمىزدىڭ بەرىكتىگىنە دەگەن سەنىمدىلىكتەن ماڭىزدى ەشتەڭە جوق دەپ ەسەپتەيمىن. بۇل سەنىمگە باراتىن جول باعزى زامانداردان بەرى بەلگىلى. بارلىق ۋاقىتتاردا مەيىرىمدىلىك پەن دانالىق, ءوزارا قۇرمەت پەن سىيلاستىق, ادامداردىڭ ىنتىماعى مەن اقىل-پاراسات, ءبىر-ءبىرىن تىڭداپ, تۇسىنە ءبىلۋى بەيبىتشىلىك پەن تىنىشتىققا باستايتىن بولعان.
مەن ون جىلدان استام ۋاقىت بويى قازاقستان حالقى اسسامبلەياسىنىڭ مۇشەسى بولىپ كەلەمىن. سونىڭ ارقاسىندا كوپ ەتنوستى قازاقستان حالقىنىڭ مادەنيەتارالىق جانە ەتنوسارالىق ۇيلەسىمدى ۇندەسۋىنە بەلسەندى قاتىسىپ كەلە جاتقانىمدى ماقتان تۇتامىن. ال وسىناۋ يگىلىكتى ءىس, ىزگى نيەتىمدى مەن قازاقستاننىڭ «سامۇرىق» ۇلت تەاترى جانە «قازاقستان حالقى اسسامبلەياسى الەۋمەتتىك كونسورتسيۋمى» الەۋمەتتىك قورى ارقىلى ىسكە اسىرۋدامىن.
قازاقستاننىڭ «سامۇرىق» ۇلت تەاترى قازاقستان حالقى اسسامبلەياسىنىڭ XVI سەسسياسىندا ايتىلعان ەلباسى تاپسىرماسى بويىنشا قۇرىلعان بولاتىن. بۇل تەاتردىڭ ەرەكشەلىگى سول, ول ءبىر مەزگىلدە بىرنەشە تىلدە جۇمىس ىستەيدى. تەاتر ساحناسىندا ارنايى شاقىرىلعان شىعارماشىل, دارىندى, قازاقستاندىق قوعامنىڭ بىرلىگىن ونەر تىلىندە بەينەلەۋگە قابىلەتتى دارا تۇلعالار قىزمەت ەتپەك. ءسويتىپ, ولار كوركەمدىك قۇرالدار ارقىلى قازاقستان حالقى اسسامبلەياسىنىڭ ەلدەگى ءبىرتۇتاس رۋحاني كەڭىستىكتى نىعايتۋ ورايىنداعى مىندەتتەرىن شەشۋگە سەپتىگىن تيگىزبەك.
ال وسى ءبىرتۇتاس رۋحاني كەڭىستىك دەگەنىمىز بايىرعى پاراساتتى قازاق دىلىندە تياناق تابادى. ءسويتىپ, ول تولەرانتتىلىققا, ىنتىماققا, ءوزارا سەنىمگە جانە بۇگىن تاڭدا 130-دان استام ەتنوستاردىڭ بەسىگىنە اينالعان ەل مەن جەرگە دەگەن وتانشىلدىققا, ياعني پاتريوتيزمگە جول اشپاق. ءبىزدىڭ مادەنيەتىمىز قازاقستاندىق قوعامنىڭ مورالدىق-ادامگەرشىلىك نەگىزدەرىن ءوز بويىنا دارىتا وتىرىپ, ءارى سونىڭ سونى سيپاتتى كورسەتكىشى دە بولىپ تابىلادى. سوندىقتان ونەر ارقىلى ورتاق ەلىمىزدىڭ بىرەگەي دارالىعىن ساقتاپ, ءارى قاراي دامىتۋىمىز زاڭدى. وسى جاعدايدا كوپۇلتتى قازاقستان حالقى مادەنيەتتەرىنىڭ ءوزارا ءسىڭىسىپ, تەرەڭ تامىر جايىپ بايۋى ونىڭ رۋحانياتىنا دا يگى ىقپال ەتەدى. وسىلايشا تولەرانتتى, بىرنەشە ءتىلدى مەڭگەرگەن, وڭ وزگەرىستەردى اشىق قابىلداۋعا يكەمدى جانە بابالار داستۇرلەرىن كوزدىڭ قاراشىعىنداي ساقتايتىن قازاقستان ازاماتىنىڭ قايتالانباس بەينەسى قالىپتاسپاق.
«سامۇرىق» ۇلت تەاترى بەلگىلى جازۋشى, دراماتۋرگ, مەملەكەتتىك سىيلىقتىڭ لاۋرەاتى دۋلات يسابەكوۆتىڭ پەساسى بويىنشا قويىلعان ءوزىنىڭ العاشقى «باقىت قۇسى» اتتى سپەكتاكلىن قازاقستان تاۋەلسىزدىگىنىڭ 20 جىلدىعىنا ارنادى. ۇلت تەاترى – وسىنداي ۇلگىدەگى تۇڭعىش تەاتر. قازاقستان بويىنشا ونىڭ ازىرگە بالاماسى جوق.
سوڭعى بەس جىل بويىندا اسسامبلەيا اياسىندا «قازاقستان حالقى اسسامبلەياسى الەۋمەتتىك كونسورتسيۋمى» قوعامدىق قورى مەن مۇحتار اۋەزوۆ قورى بىرلەسە وتىرىپ, جۇيەلى دە ماقساتتى جۇمىس جۇرگىزىپ كەلەدى. ەلىمىزدىڭ ءبىرتۇتاس رۋحاني كەڭىستىگىن قۇرۋ جولىندا «جىبەك جولى بويىنداعى اڭگىمەلەر» فورماتىن پايدالانۋدامىز. بۇل ورايدا قازاقستانمەن عانا شەكتەلىپ قالماي, ىزگىلىكتى مۇرات-نيەتىمىزگە ورتالىق ازيانىڭ باسقا دا رەسپۋبليكالارىن تارتۋدامىز. ءسويتىپ, ۇنقاتىسۋ ءورىسى كەڭەيە تۇسۋدە. بۇل دەگەنىڭىز, قازاقستاندىق ءوتانسۇيگىشتىك پەن ءپاتريوتيزمدى, تولەرانتتىلىقتى جانە ءاربىر ازاماتتىڭ ەل مەن وتباسى الدىنداعى جاۋاپكەرشىلىگىن ءتاربيەلەۋگە باعىتتالعان تاعى ءبىر ىلكىمدى جوبا بولىپ وتىر.
ايتا كەتەرلىك ءبىر جاعداي, وسى الەۋمەتتىك كونسورتسيۋم قازاقستان حالقى اسسامبلەياسى مۇشەلەرىنىڭ باستاماسى بويىنشا قۇرىلعان ەدى. ولار بيزنەستىڭ الەۋمەتتىك جاۋاپكەرشىلىگىن جاقسى ءتۇسىنىپ, وسى رەتتە سوزدەن ىسكە كوشۋدىڭ ءتاۋىر ۇلگىسىن كورسەتە ءبىلدى. ءدۇنيە ءجۇزىنىڭ كوپتەگەن ەلدەرىن قارجىلىق داعدارىس جايلاپ, تۇرمىس دارەجەسى تومەندەپ جاتقان كەزدە ءبىزدىڭ قازاقستانىمىزدا كويلەك كوك, تاماق توق دەگەندەي بەرەكەلى بارقادار جاعداي قالىپتاسىپ وتىرعانىنا شۇكىرشىلىك ەتەمىز. بۇل دا ەلىمىزدە جۇرگىزىلىپ وتىرعان ساليقالى دا سارابدال ساياساتتىڭ ارقاسىندا ءمۇمكىن بولعان ءبىزدىڭ ءبىر باقىتىمىز شىعار. ءبىزدىڭ ۇلت تەاترىمىز ەلىمىزدەگى ۇلتتىق ءال-اۋقات قورىمەن اتتاس بولىپ, «سامۇرىق» دەپ اتالعانىن دا ءبىر ەرەكشە جاقسىلىق نىشانىنا بالايمىن. دۋلات يسابەكوۆتىڭ سپەكتاكلىندە ايعاقتالعانداي, وسى «باقىت قۇسى» ءبىزدىڭ باسىمىزدان ماڭگى كەتپەسىن دەمەكپىن.
قورىتىندىلاي كەلە ايتارىم, مەملەكەت باسشىسىنىڭ باستاماسىمەن قۇرىلعان قازاقستان حالقى اسسامبلەياسى مادەنيەتارالىق جانە ەتنوسارالىق ۇنقاتىسۋدىڭ بىرەگەي تەتىگىنە, مەملەكەت پەن ازاماتتىق قوعامنىڭ بىرلەسە ءىس-قيمىل جاساۋىنىڭ سەرپىندى قۇرالىنا ءھام دانەكەرىنە اينالدى. ءبىز, قازاقستاننىڭ اتا- جۇرتىندا ىستىقتاي ەلجىرەپ باۋىر باسىپ, تەرەڭنەن تامىر تارتىپ مەكەندەگەن سان الۋان ەتنوستاردىڭ وكىلدەرى ءوزىمىزدىڭ ورتاق وتانىمىزدىڭ ءبىرلىك-بەرەكەسىن ساقتاۋ ورايىنداعى جوعارى پارىز جاۋاپكەرشىلىگىن بارشا جان-دۇنيەمىزبەن سانالى تۇردە ۇعىنىپ سەزىنەمىز. سەبەبى, ءبىز تاۋەلسىزدىكتىڭ 20 جىلىندا ءبىر حالىق, ءبىر تاعدىر بولىپ سومدالىپ ۇلگەردىك.
جازىپ العان قورعانبەك امانجول.
