بىرلىك باردا اۋىرتپاشىلىق قورقىنىشتى ەمەس – دەيدى قازاقستان حالقى اسسامبلەياسىنىڭ مۇشەلەرى
بەيسەنبى, 29 ناۋرىز 2012 7:58
اقپاننىڭ ورتاسىن الا باستالعان قارعىن سۋ ءوڭتۇستىك حالقىنا ۇلكەن ابىگەر اكەلگەندىگى بەلگىلى. ەڭ ءۇلكەن قيىندىق ارىستىڭ ەتەگىندە وتىرعان ورداباسى اۋدانىنىڭ ورتالىعى – تەمىرلاندا بولدى. سۋ تاسقىنىنان 937 ءۇي زارداپ شەكتى. وبلىستىق جۇمىلدىرۋ دايارلىعى, ازاماتتىق قورعانىس, اپاتتار مەن دۇلەي ءزىلزالالاردىڭ الدىن الۋ جانە جويۋدى ۇيىمداستىرۋ باسقارماسى باستىعىنىڭ ورىنباسارى كوكتەمبەك تابىلديەۆ وسى ۇيلەردىڭ 661-ءى جارامدى, 66-سى اپاتتى جاعدايدا, 6-ۋى مۇلدە جارامايدى دەيدى. قارعىن سۋ ىرگەتاسىنان اسقان, قام كىرپىشىنە سۋ نامى سىڭگەن 121 ءۇي دە كومەك قاجەت ەتەدى.
بەيسەنبى, 29 ناۋرىز 2012 7:58
اقپاننىڭ ورتاسىن الا باستالعان قارعىن سۋ ءوڭتۇستىك حالقىنا ۇلكەن ابىگەر اكەلگەندىگى بەلگىلى. ەڭ ءۇلكەن قيىندىق ارىستىڭ ەتەگىندە وتىرعان ورداباسى اۋدانىنىڭ ورتالىعى – تەمىرلاندا بولدى. سۋ تاسقىنىنان 937 ءۇي زارداپ شەكتى. وبلىستىق جۇمىلدىرۋ دايارلىعى, ازاماتتىق قورعانىس, اپاتتار مەن دۇلەي ءزىلزالالاردىڭ الدىن الۋ جانە جويۋدى ۇيىمداستىرۋ باسقارماسى باستىعىنىڭ ورىنباسارى كوكتەمبەك تابىلديەۆ وسى ۇيلەردىڭ 661-ءى جارامدى, 66-سى اپاتتى جاعدايدا, 6-ۋى مۇلدە جارامايدى دەيدى. قارعىن سۋ ىرگەتاسىنان اسقان, قام كىرپىشىنە سۋ نامى سىڭگەن 121 ءۇي دە كومەك قاجەت ەتەدى.
بۇگىندە بۇل ۇيلەردىڭ تۇرعىندارى قاۋىپسىز جەرلەرگە كوشىرىلگەن. ءوز وتەنىنە ورالىپ, امالداپ تۇرىپ جاتقاندارى دا بار. كۇن جىلىنعاننان كەيىن ولار پالاتكالارعا كوشىرىلىپ, جارامسىز ۇيلەردىڭ قۇرىلىسى باستالادى.
وڭتۇستىكتە اۋىر جاعداي ورىن العاندا ەلباسى ۇكىمەتكە شۇعىل تاپسىرما بەرىپ, پرەمەر-ءمينيستردىڭ ءبىرىنشى ورىنباسارى س.احمەتوۆ وبلىسقا ارنايى كەلگەن. توپان سۋ العان اۋىلداردى كورىپ, شاردارا سۋ قويماسى, كوكساراي سۋ رەتتەگىشىندەگى قالىپتاسقان جاعدايعا قانىعىپ, ەلباسىعا بايانداعان. نۇرسۇلتان ءابىش ۇلى ءۇي-جايى سۋعا كەتىپ, كوڭىلى جۇدەگەن حالىققا باسۋ ايتىپ, مەملەكەت تاراپىنان كومەك بولاتىندىعىن جەتكىزدى. شەتەلدەردە ادەتتە بارلىق ۇيلەر ساقتاندىرۋ كومپانيالارى ارقىلى ساقتاندىرىلادى. مەملەكەتتىڭ اپاتتى جاعدايداعى مىندەتى – ادام شىعىنىنا جول بەرمەۋ. بارلىق كۇش وسىعان جۇمىلدىرىلادى. وسىنى ەسكەرتكەن ەلباسى بارلىق ماسەلەنى ۇكىمەتتىڭ موينىنا ارتىپ قويۋعا بولمايتىندىعىن ايتتى. الەمدىك تاجىريبەدە بار ءۇردىستى ەشكىم جوق دەمەيدى.
بىراق, قالاي بولعاندا دا, ۇكىمەت تە, قاراپايىم حالىق تا اپاتقا ۇشىراعان جۇرتتىڭ قاتارعا تەز قوسىلۋىنا قولدان كەلەر كومەكتىڭ بارلىق ءتۇرىن جاساپ جاتىر. وسىدان بىرەر اپتا بۇرىن وبلىستىق كاسىپوداق ۇيىمىنىڭ توراعاسى د.شەرىمقۇلوۆ پەن “وقو ازاماتتىق اليانس اسسوتسياتسياسىنىڭ” ءتورايىمى ك.ءالىپوۆانىڭ مۇرىندىق بولۋىمەن ۇندەۋ قابىلدانىپ, ارنايى ەسەپ-شوت اشىلعان بولاتىن. وڭتۇستىك جۇرتى قايىرىمدى كەلەدى. سۋ تاسقىنىنان زارداپ شەككەندەرگە كەرەك جىلى كيىم-كەشەكتەردى بىلاي قويعاندا, ەسەپ-شوت اشىلعان ءبىر اپتادا تۇسكەن قارجى كۇنىگە 1 ملن. تەڭگەگە جۋىقتايدى ەكەن. ەندى بۇل ارەكەت رەسپۋبليكالىق قارقىن الدى. ونىڭ ءبىر جارقىن دالەلى – پارلامەنت دەپۋتاتى قۋانىش ايتاحانوۆتىڭ باستاماسىمەن حالىق قالاۋلىلارىنىڭ ءبىر كۇندىك جالاقىلارىن اۋدارعانى.
جاقىندا وڭتۇستىكتە “قازاقستانداعى مەملەكەتتىك ەتنوساياساتتى جۇزەگە اسىرۋ جانە ەتنوكونفەسسيالىق قاتىناستاردى رەتتەۋ” تاقىرىبىندا ايماقتىق سەمينار-ترەنينگ وتكەن. كونفەرەنتسياعا كەلگەن ەتنومادەني بىرلەستىكتەردىڭ مۇشەلەرى دە وڭتۇستىكتەگى قيىن احۋالعا ءوز ۇندەرىن قوسىپ, ازاماتتىق پوزيتسياسىن تانىتتى. ولاردىڭ بىرقاتارى اپاتقا بايلانىستى قۇرىلعان قوعامدىق قور مۇشەلەرىمەن كەزدەسۋگە كەلدى. وبلىستىق كاسىپوداق ۇيىمىنىڭ ءماجىلىس زالىندا وتكەن باسقوسۋدا وبلىس اكىمىنىڭ ورىنباسارى ءالي بەكتاەۆ اسسامبلەيا مۇشەلەرىنە قارعىنعا بايلانىستى ۇكىمەت جانە وبلىس اكىمدىگى تاراپىنان جاسالىنىپ جاتقان جۇمىستاردى بايانداپ بەردى.
قازاقستان حالقى اسسامبەياسى توراعاسىنىڭ ورىنباسارى ە.توعجانوۆ: “وسىنداي قيىن كەزدەرىڭىزدە جاندارىڭىزعا جالاۋ, كوڭىلدەرىڭىزگە دەمەۋ بولايىق دەپ ارنايى كەلدىك. وڭتۇستىكتەگى قيىنشىلىقتاردى جەڭەتىن ءبىر كۇش بار, ول – بىرلىك. ءبىز ءسىزدەرمەن بىرگەمىز”, دەي كەلىپ, اسسامبلەيا اتىنان ءوڭتۇستىكتە اشىلعان ەسەپ-شوتقا 10 ملن. تەڭگە اۋداراتىندىقتارىن ايتتى. “احىكا” قازاقستان تۇرىكتەرى قوعامىنىڭ توراعاسى زيادين قاسانوۆ: “تاعى دا كومەگىمىز بولادى, ازىرگە ۇلەسىمىز”, دەپ 1 ملن. تەڭگەنى كوميسسيا ءتورايىمى ك.الىپوۆاعا قولما-قول تابىستادى. قورعا رەسپۋبليكالىق ۇيعىر ەتنومادەني بىرلەستىگىنىڭ توراعاسى احمەتجان شاردينوۆ 7 ملن. تەڭگە, “الماتى” لوكوموتيۆ دەپوسىنىڭ باستىعى بولات مۇساقوجاەۆ ءبىر كۇندىك جۇمىس كۇنى ەسەبىنەن 5 ملن. تەڭگە اۋدارۋعا ۋادە بەردى.
جيىن سوڭىندا وبلىس اكىمىنىڭ ورىنباسارى ءالي ءابدىكەرىم ۇلى قينالعاندا قول سوزعان اعايىنعا ءوڭتۇستىك حالقى اتىنان العىس ايتتى.
باقتيار تايجان.
شىمكەنت.
