بەرىكتىڭ بەكەم بايلامى
سارسەنبى, 28 ناۋرىز 2012 7:47
وتكەن جىلدىڭ كۇزىندە ستەپنوگور قالاسىنا قاراستى قارابۇلاق اۋىلدىقوكرۋگىنىڭ اكىمى قايىرگەلدى ايتىموۆ فەرمەرلەر مەن شارۋاقوجالىقتارىنىڭ جەتەكشىلەرىن جينالىسقا شاقىردى. «فەرمەر» دەگەناتى بولعانىمەن ناپاقاسىن وز بەتىنشە تاۋىپ جۇرگەن بەرىك كۇزىباەۆ بۇلءماجىلىستەن دە پالەندەي ناتيجە شىعا قويادى دەگەنگە سەنە قويماعان. ءويتكەنى, اۋىلداعى جاعداي الاقانداعىداي عوي. كۇش-قارىمنىڭ ازدىعىنانشارۋا قوجالىقتارى 20 مىڭ گەكتاردان استام جەردى يگەرە الماي وتىر. اۋىل تابىنىنداعى 33 ءىرى قارا مال برۋتسەللەزگە شالدىعىپ, جويىلدى. ءوزگەرىسكە باستايتىن تۇجىرىمدى قادام قاجەت-اق.
سارسەنبى, 28 ناۋرىز 2012 7:47
وتكەن جىلدىڭ كۇزىندە ستەپنوگور قالاسىنا قاراستى قارابۇلاق اۋىلدىقوكرۋگىنىڭ اكىمى قايىرگەلدى ايتىموۆ فەرمەرلەر مەن شارۋاقوجالىقتارىنىڭ جەتەكشىلەرىن جينالىسقا شاقىردى. «فەرمەر» دەگەناتى بولعانىمەن ناپاقاسىن وز بەتىنشە تاۋىپ جۇرگەن بەرىك كۇزىباەۆ بۇلءماجىلىستەن دە پالەندەي ناتيجە شىعا قويادى دەگەنگە سەنە قويماعان. ءويتكەنى, اۋىلداعى جاعداي الاقانداعىداي عوي. كۇش-قارىمنىڭ ازدىعىنانشارۋا قوجالىقتارى 20 مىڭ گەكتاردان استام جەردى يگەرە الماي وتىر. اۋىل تابىنىنداعى 33 ءىرى قارا مال برۋتسەللەزگە شالدىعىپ, جويىلدى. ءوزگەرىسكە باستايتىن تۇجىرىمدى قادام قاجەت-اق.
كوپتەن كۇتكەن وزگەرىس وسى جينالىستا قىلاڭ بەردى. كەزدەسۋگە ستەپنوگور قالالىق جۇمىسپەن قامتۋ ورتالىعىنىڭ قىزمەتكەرلەرى قاتىستى. ولاردىڭ ۇكىمەت قولعا العان «جۇمىسپەن قامتۋ-2020» باعدارلاماسىنىڭ جاي-جاپسارىن جان-جاقتى ءتۇسىندىرىپ, كوزدەلىپ وتىرعان جەڭىلدىكتەردى جىپتىكتەي ەتىپ بايانداۋى كوڭىلدەن شىقتى. باعدارلامانىڭ ءبىرىنشى باعىتى بويىنشا قۇجاتتار دايىندالدى. كوپ ۇزاماي, ەكىنشى باعدارلاما شەڭبەرىندە سەگىز اۋىلداسىنا استانا قالاسىنداعى تەگىن كۋرسقا جولداما بەرىلدى. ولاردىڭ ىشىندە بەرىك تە بار ەدى. سونشالىقتى قۋانا قويمادى. ءومىر بويى اۋىلدا تۇرىپ, مال سوڭىندا جۇرگەن 46 جاستاعى ادامعا نە ۇيرەتەر دەرسىڭ؟ جەم-ءشوپ جيناۋ ناۋقانى دا قىزىپ تۇر.
قاتەلەسكەن ەكەن. ۋاقىت ءۇردىسىندەگى ءىلىم-ءبىلىمنىڭ ەشقاشان ارتىق بولمايتىنىن ۇقتى. سەرتيفيكاتقا يە بولۋمەن قوسا شارۋاشىلىقتى جۇرگىزۋدىڭ زامانالىق تالاپتارى, بيزنەس-جوسپار مەن كەلىسىم-شارتتاردى دايىنداۋ, بۋحگالتەرلىك ەسەپ-قيساپتى جۇرگىزۋ باعىتىنداعى قۇندى ماعلۇماتتارعا قانىقتى. اسىرەسە, دارحان ءدارىباەۆ پەن ۆەرا كوتوۆيچتىڭ ءتالىم ساباقتارى ەستە قالدى. قالادا تۇراتىن ءورىم جاستار اۋىل تىرشىلىگىن بەس ساۋساعىنداي بىلەتىن سياقتى. سۇراقتارىمىزعا ءارقيلى مىسالدار كەلتىرىپ جاۋاپ بەرەدى. ءوزارا ءتاجىريبە الماسىپ, نيەتتەس, تىلەكتەس جاڭا دوستار تاپتىم. بۇگىنگى كۇنى استاناعا بارۋىما سەپتەسكەن جۇمىسپەن قامتۋ ورتالىعىنىڭ ديرەكتورى قارلىعاش عاپاروۆاعا, دەنيس تسەدريكوۆ, ناتاليا ينيۋتينا سياقتى قىزمەتكەرلەرگە راحمەتىمدى ايتىپ ءجۇرمىن, دەيدى بەرىك باۋىرىمىز.
ورتالىقتىڭ قىزمەتكەرلەرى وقۋدان كەيىنگى ءىس-ارەكەتتەردىڭ باسى-قاسىندا جۇرگەنى ءالى «سياسى كەپپەگەن» فەرمەرلەرگە جىگەر مەن سەنىمدىلىك بەرگەن سياقتى. مال شارۋاشىلىعىمەن اينالىسۋعا ءتىلەك بىلدىرگەن التى ادامعا «جۇمىسپەن قامتۋ-2020» باعدارلاماسىنىڭ شاراپاتىمەن 13 ميلليون 800 مىڭ تەڭگە جەڭىلدەتىلگەن قارجى ءبولىندى. بەرىك كۇزىباەۆ 3 ميلليون تەڭگەلىك شاعىن نەسيەنى يەمدەندى. بانك رەسىمدەيتىن كەپىلدىك جارنامەن قامتاماسىز ەتۋدىڭ وڭاي ەمەستىگىن ەسكەرسەك, قارابۇلاقتىقتار ءۇشىن مۇنى ءۇلكەن كورسەتكىش دەۋگە بولادى.
وتكەن جەلتوقسان ايىندا جۇمىسقا كىرىسكەن بەرىك كۇزىباەۆ ۇيرەنشىكتى شارۋانى دوڭگەلەتىپ الىپ كەتتى دەۋگە بولادى. بۇعان ونىڭ اۋىل تىرشىلىگىنە قاتىستى تراكتورشى, دانەكەرلەۋشى, قۇرىلىسشى ماماندىقتارىن مەڭگەرگەنى دە كومەكتەسكەندەي. كەڭەستىك داۋىردەن مۇرا بولىپ قالعان گاراجدى جوندەپ, مال قوراسىنا اينالدىردى. قازىر وندا 7,5 پايىزدىق باعدارلامالىق نەسيە قاراجاتىنا ساتىپ الىنعان 10 سيىر مەن 4 بۇزاۋ قىستاتىلۋدا. كۇن جىلىنىسىمەن تاعى دا التى ءىرى قارا مەن تورپاقتار ساتىپ الۋ قامىندا.
بۇگىنگى كۇنى كۇزىباەۆتاردىڭ قوجالىعىندا, ءوز مالىن قوسىپ ەسەپتەگەندە, 37 ءىرى قارا بار. الىنىپ جاتقان ءتول بۇدان بولەك. سوندىقتان, ەكى باقتاشى مەن ءبىر ساۋىنشىنى جۇمىسقا تارتىپ, جالاقىسىن تولەپ وتىر. ءونىمدەرىن كەلىنشەگى دينا ستەپنوگوردىڭ بازارىندا, جارمەڭكەلەردە ساۋدالاپ كەلەدى. وتباسىلىق بيزنەستە اكەسى نۇرحاميت اعانىڭ اقىل-كەڭەسى دە كادەگە جاراپ تۇر.
– ەلباسى نۇرسۇلتان نازارباەۆتىڭ بيىلعى جولداۋىندا حالىقتى الەۋمەتتىك قولداۋ ماسەلەسى ءبىرىنشى كەزەكتە ايتىلعانى, اۋىل ادامدارىنا كومەك-قولداۋدىڭ بارلىق مۇمكىندىكتەرى قاراستىرىلعانى بارشامىزدى ريزاشىلىق سەزىمىنە بولەيدى, – دەيدى بەرىك كۇزىباەۆ. – مەن الەۋمەتتىك تۇرعىداعى نەسيەنى قۋانا الدىم. سەبەبى, ءبىز ءۇشىن ەكى مال ۇستادىڭ با, جيىرما مال باقتىڭ با, ەشقانداي ايىرماشىلىق جوق. ايىرماشىلىق مىنادا – بۇرىن مالدى قالىپتاسقان داعدىمەن, كۇنكورىس ءۇشىن ۇستايتىنبىز. باعدارلاماعا قاتىسقالى بولاشاققا جاقسى جوسپارلار ءتۇزىپ, بويىمىزدا باسقاشا جىگەر پايدا بولدى. وزگەلەر دە جاۋاپكەرشىلىكتى ءتۇسىنىپ, جاڭا باستامانى ءىلىپ الىپ كەتسە دەيمىن. سوندا وتباسىمىز عانا ەمەس, بۇكىل اۋىل اۋقاتتانار ەدى. قارابۇلاعىمىز دا گۇلدەنە تۇسەرى انىق.
باقبەرگەن امالبەك.
اقمولا وبلىسى.
