اسكەري ءبىلىمنىڭ بيىگىندەگى 15 جىل
بەيسەنبى, 1 ناۋرىز 2012 7:28
كەشە ۇلتتىق قورعانىس ۋنيۆەرسيتەتى ءوزىنىڭ 15 جىلدىق مەرەيتويىن سالتاناتتى جاعدايدا اتاپ ءوتتى. اسكەري ءبىلىم ورداسىن قۇرىلعان كۇنىمەن قۇتتىقتاۋعا قۇرمەتتى قوناقتار كوپتەپ كەلدى. مارتەبەلى مەيماندارعا مەرەيتويلىق مەدالدار تابىس ەتىلدى. مەرەكەگە جينالعاندار الدىندا ۇلتتىق قورعانىس ۋنيۆەرسيتەتىنىڭ باستىعى, گەنەرال-مايور نيكولاي قۋاتوۆ ءسوز سويلەدى.
بەيسەنبى, 1 ناۋرىز 2012 7:28
كەشە ۇلتتىق قورعانىس ۋنيۆەرسيتەتى ءوزىنىڭ 15 جىلدىق مەرەيتويىن سالتاناتتى جاعدايدا اتاپ ءوتتى. اسكەري ءبىلىم ورداسىن قۇرىلعان كۇنىمەن قۇتتىقتاۋعا قۇرمەتتى قوناقتار كوپتەپ كەلدى. مارتەبەلى مەيماندارعا مەرەيتويلىق مەدالدار تابىس ەتىلدى. مەرەكەگە جينالعاندار الدىندا ۇلتتىق قورعانىس ۋنيۆەرسيتەتىنىڭ باستىعى, گەنەرال-مايور نيكولاي قۋاتوۆ ءسوز سويلەدى.
اسكەري ءبىلىمنىڭ قارا شاڭىراعىندا قازاقستان قارۋلى كۇشتەرىمەن قاتار, باسقا دا اسكەرلەر مەن اسكەري قۇرالىمداردىڭ وفيتسەرلەرى جوعارى ءبىلىم الادى. سونىمەن قاتار, ۇجىمدىق قاۋىپسىزدىك شارتى ۇيىمىنا مۇشە مەملەكەتتەر قارۋلى كۇشتەرىنىڭ وكىلدەرى دە وسى جەردە ءبىلىم الۋدا.
ۇلتتىق قورعانىس ۋنيۆەرسيتەتى ورتالىق ازيا ايماعىنداعى جوعارى اسكەري ءبىلىم بەرەتىن بىردەن-ءبىر وقۋ ورنى بولىپ تابىلادى. 1997 جىلى قازاقستان رەسپۋبليكاسى پرەزيدەنتىنىڭ جارلىعىمەن الماتى جوعارى اسكەري ۋچيليششەسى قر قك اسكەري اكادەمياسى بولىپ قايتا قۇرىلدى. 2003 جىلى اتالعان اكادەميانىڭ بازاسىندا «ۇلتتىق قورعانىس ۋنيۆەرسيتەتى» مەملەكەتتىك مەكەمەسى قۇرىلدى.
وقۋ ورنىنىڭ نەگىزگى تاپسىرمالارىنىڭ قاتارىنا اسكەري ماماندارعا ماگيستراتۋرا ماماندىعى بويىنشا جوعارى ءبىلىم بەرۋ, اديۋنكتۋرا ماماندىعى بويىنشا عىلىمي جانە عىلىمي-پەداگوگيكالىق ماماندار دايىنداۋ كىرەدى. سونىمەن قاتار, جوعارى اكادەميالىق كۋرستار مەن اسكەري عىلىم سالاسىنداعى عىلىمي زەرتتەۋلەر دە وسى جەردە جۇزەگە اسادى.
بىلتىرعى جاڭا وقۋ جىلىندا ۇلتتىق قورعانىس ۋنيۆەرسيتەتىندە قورعانىس ءمينيسترى ادىلبەك جاقسىبەكوۆتىڭ قاتىسۋىمەن اسكەري جانە مەملەكەتتىك باسقارۋ, دوكتورانتۋرا جانە قر ءىىم ىشكى اسكەرلەرىنىڭ فاكۋلتەتتەرى سالتاناتتى جاعدايدا اشىلعان بولاتىن.
زاماناۋي قۇرىلعىلار بولاشاق كومانديرگە ەلەكتروندى كارتاداعى تاكتيكالىق جاعدايعا قاراپ, جەدەل جانە شىنايى ۋاقىتتاعى جاۋىنگەرلىك قيمىلداردىڭ كەز كەلگەن ءتۇرىن مودەلدەۋگە مۇمكىندىك بەرىپ قانا قويمايدى, سونىمەن قاتار, ولار ەكراندا سىزبالاردى, كەستەلەر مەن فيلمدەردى جاساۋعا قول جەتكىزە الادى.
قازىرگى ۋاقىتتا ۋنيۆەرسيتەتتىڭ تاربيە جانە الەۋمەتتىك-قۇقىقتىق ۇدەرىستەردى باسقارۋ فاكۋلتەتىندە «حالىق قاھارمانى» كاپيتان ازامات ءجۇمادىلوۆ تىڭداۋشى رەتىندە وقىپ جاتىر.
وكسانا پارپۋرا, قورعانىس مينيسترلىگى ءباسپاسوز قىزمەتىنىڭ وكىلى.
