«بۇل ءرامىزدى جاساعان كەزدە تاشكەنتتە تۇردىم. ءوزىڭىز دە ول ولكەدە كوپ بولدىڭىز. ساپارلارىڭىزدىڭ بىرىندە قالانىڭ قاق ورتاسىندا قاراۋسىز قالعان تولە بي بابانىڭ باسىنا ءزاۋلىم كەسەنە تۇرعىزىپ, ماڭايىن اباتتاندىرعان ازاماتسىز. ايتپاعىم, وسى ەلتاڭبانىڭ شىعۋىندا تولە بي بابا رۋحىنىڭ قوشتاۋ-قولداۋى بار دەپ بىلەمىن. ءسىز, ءوز كەزەگىندە, سول بابا زيراتىنىڭ ۇمىت قالماۋىنا اسەر ەتكەن ادامسىز. سوندىقتان سىزگە ايتار العىس مول. ەلىمىز قازىر لاتىن الىپبيىنە كوشىپ, ەلتاڭبامىزعا ءبىرشاما وزگەرىس ەندى, بىلەسىز. «قازاقستان» ءسوزى جاڭا قارىپتەرمەن ورنەكتەلگەن ءرامىزدىڭ بىرەۋىن وزىڭىزگە تاپسىرۋدى ءجون ساناپ وتىرمىن. تورىڭىزدە تۇرعانىن قالار ەدىم. ەلتاڭبامىز تەك قانا قازاقستانداعى قازاقتار ءۇشىن عانا ەمەس, جالپى دۇنيەجۇزى قازاقتارى ءۇشىن اتاجۇرتتىڭ تاڭباسى بولىپ تۇرسىن دەگەن نيەتىمنەن دەپ ۇعىڭىز», - دەدى جانداربەك مالىبەكوۆ.
سونداي-اق ساۋلەتشى دقق توراعاسىنىڭ ءبىرىنشى ورىنباسارىنا ەلتاڭبامەن قاتار ءرامىزدىڭ جاسالۋ تاريحى, ونداعى تاڭبا-بەلگىلەر جايىنداعى كىتاپتى دا سىيعا تارتتى.
