ونىڭ ايتۋىنشا, بىلتىر وبلىس اۋماعىندا ماتەريالدىق شىعىنى 79 ميلليون تەڭگەنى قۇراعان 803 ءورت تىركەلگەن. ءتىلسىز جاۋدىڭ سالدارىنان 66 ادام قايتىس بولسا, 19 ادام ءارتۇرلى دارەجەدەگى جاراقاتتار العان.
ء«ورت قاۋىپسىزدىگىنىڭ تالاپتارىن بۇزۋ سالدارىنان 15 ادام ۋلى گازبەن ۋلاندى. مۇنىڭ نەگىزگى سەبەپتەرى پەش كونسترۋكتسياسىنداعى پەشتىڭ قىزىپ كەتۋى جانە جارىلۋى, بىتەلىپ قالعان ءتۇتىن مۇرجاسى, سونداي-اق, اقاۋى بار پەش جابدىعىن پايدالانۋ بولىپ تابىلادى. ورتكە قاتىستى جەكە تۇرعىن ۇيلەردە 9 وقيعا, ساياجايدا ورنالاسقان ۇيلەردە 6 وقيعا ورىن الدى. ءورتتىڭ باسىم بولىگى بۇرىنعىداي تۇرعىن ءۇي سەكتورى مەن كولىك قۇرالدارىنا تيەسىلى. جىل باسىنان بەرى 33 ءورت تىركەلدى», - دەدى ايبات جانابەرگەنوۆ.
تۇرعىندار اراسىندا اقپاراتتىق-ءتۇسىندىرۋ جۇمىستارىن جۇرگىزۋ ماقساتىندا 65663 ءۇيدىڭ 194132 تۇرعىنى قامتىلدى. الەۋمەتتىك تاۋەكەل توبىنداعى تۇلعالاردىڭ تۇرعىلىقتى جەرلەرى بويىنشا 14145 ادامدى قامتىلىپ, 3396 رەيد ۇيىمداستىرىلدى.
سونداي-اق, تجد حابارلاعانداي, 2019 جىلدىڭ اقپان-ناۋرىز ايلارىندا وبلىس اۋماعىندا از قامتىلعان تۇرعىندارعا ءورت قاۋىپسىزدىگىن قامتاماسىز ەتۋگە باعىتتالعان «جاقسىلىق جاقسى» اكتسياسىن وتكىزۋگە باستاما جاسالدى.
