«USCIS جۇمىس كۇشىنىڭ ايتارلىقتاي تومەندەۋىنە بايلانىستى 2019 جىلدىڭ 29 ناۋرىزىندا ماسكەۋدە ءوز كەڭسەسىن جابادى. 28 اقپان كۇنى سوڭعى وتىنىشتەردى قابىلدايدى», - دەلىنگەن حابارلامادا.
ماسكەۋ كەڭسەسى جابىلعاننان كەيىن رەسەي فەدەراتسياسى, ارمەنيا, ءازىربايجان, بەلارۋس, ەستونيا, گرۋزيا, قازاقستان, قىرعىزستان, لاتۆيا, ليتۆا, مولدوۆا, تاجىكستان, تۇرىكمەنستان, ۋكراينا جانە وزبەكستان ازاماتتارىنىڭ وتىنىشتەرىمەن افيناداعى USCIS كەڭسەسى اينالىساتىن بولادى.
بۇل رەتتە قازاقستانداعى اقش ەلشىلىگىنىڭ سايتىندا وتباسىن بىرىكتىرۋ, جۇمىس يمميگراتسياسى, گرين-كارد جانە اقش-تا نەكە قيۋ ماسەلەلەرى بويىنشا قازاقستان ازاماتتارى الماتىداعى اقش كونسۋلدىعىنا حابارلاسا الادى,ال بوسقىندار USCIS افينا كەڭسەسىنە جۇگىنۋى قاجەت.
«الماتىداعى اقش باس كونسۋلدىعىنىڭ كونسۋلدىق ءبولىمى قازاقستان, قىرعىزستان جانە تاجىكستان تۇرعىندارى ءۇشىن يمميگراتسيالىق ۆيزالاردى راسىمدەيدى. قازاقستانداعى اقش ەلشىلىگى بوسقىنداردىڭ ىستەرىمەن اينالىسپايدى. بوسقىن مارتەبەسىنە ۇمىتكەر ادامدار اقش - تىڭ كوشى-قون قىزمەتىنە جۇگىنۋى ءتيىس», - دەلىنگەن سايتتا.
