ەۋرازيالىق ينتەگراتسيا – الەمدىك قيىندىقتارعا قارسى قامال
سەنبى, 22 قىركۇيەك 2012 7:27
بۇل باستامانىڭ تمد كەڭىستىگىندەگى ينتەگراتسيالىق ۇدەرىستەر ءۇشىن سەرپىن بەرگەنىن كورمەۋگە بولمايدى. ودان كەيىنگى جىلدارى ول ۇجىمدىق قاۋىپسىزدىك شارتى ۇيىمى, ەۋرازيالىق ەكونوميكالىق قاۋىمداستىق, قازاقستان, بەلارۋس جانە رەسەيدىڭ كەدەن وداعى سياقتى بىرقاتار تابىستى مەملەكەتارالىق قۇرىلىمداردى قۇرۋدا ساتىلاپ ومىرگە ەنىپ كەلەدى.
نۇرسۇلتان نازارباەۆ.
سەنبى, 22 قىركۇيەك 2012 7:27
بۇل باستامانىڭ تمد كەڭىستىگىندەگى ينتەگراتسيالىق ۇدەرىستەر ءۇشىن سەرپىن بەرگەنىن كورمەۋگە بولمايدى. ودان كەيىنگى جىلدارى ول ۇجىمدىق قاۋىپسىزدىك شارتى ۇيىمى, ەۋرازيالىق ەكونوميكالىق قاۋىمداستىق, قازاقستان, بەلارۋس جانە رەسەيدىڭ كەدەن وداعى سياقتى بىرقاتار تابىستى مەملەكەتارالىق قۇرىلىمداردى قۇرۋدا ساتىلاپ ومىرگە ەنىپ كەلەدى.
نۇرسۇلتان نازارباەۆ.
الەم قازىر قىم-قۋىت وقيعالارعا تولى. داعدارىس پەن قىلمىس, ەسىرتكى ساۋداسى مەن ءدىني اعىمداردىڭ لاڭى نەبىر «مەن» دەگەن ەڭسەلى ەلدەردىڭ ءوزىن ەسىنەن اداستىرار حالگە ءتۇسىردى. مۇنداي كەلەڭسىزدىكتەرمەن كۇرەسۋ بىرنەشە مەملەكەتتەردى ءوزارا مۇددە بىرلىگىنە, سول ارقىلى كۇش بىرلىگىنە الىپ كەلدى. ەكونوميكالىق تۇتاستىق – الەمدى تەڭسەلتكەن ءتۇرلى الاپاتتاردان ساقتانۋدىڭ بىردەن-ءبىر جولى.
قازاقستان رەسپۋبليكاسىنىڭ پرەزيدەنتى ن.نازارباەۆ تمد كەڭىستىگىندە جاڭا ينتەگراتسيالىق جوبا – ەۋرازيالىق وداق قۇرۋ يدەياسىن 1994 جىلى-اق ۇسىندى. بۇل تەكتەن-تەككە ايتىلعان وي ەمەس, ىشكى الەۋەتى ەندى عانا ارتىپ كەلە جاتقان قازاقستان الەمدى شارپىعان قيىندىقتارعا قارسى تۇرىپ, توتەپ بەرۋگە قابىلەتتى بولۋى كەرەك ەدى. قيىندىقتار قازاقستاندى اينالىپ وتەتىنىنە ەشكىم كەپىلدىك بەرە المايتىن. سوندىقتان, بىزگە نە نارسەنىڭ دە الدىن الۋ, قامدانۋ قاجەت ەدى. ءبىرتۇتاس ەكونوميكالىق كەڭىستىك – مەملەكەتتەردىڭ ەۋرازيالىق وداعى وسى ماقساتتاردىڭ ناتيجەسى.
ەل ءومىرىنىڭ دامۋىنا كوز جىبەرسەك, ۇجىمدىق قاۋىپسىزدىك شارتى ۇيىمى, ەۋرازيالىق ەكونوميكالىق قاۋىمداستىق سەكىلدى مەملەكەتارالىق قۇرىلىمدار ساتىلارى قالانعان كەڭىستىك ءبىزدى كەدەن وداعىنا الىپ كەلدى. ارنايى كەدەن كودەكسى ازىرلەنىپ, كەدەن كوميسسياسى قۇرىلعان وداق, باسقانى ايتپاعاندا, رەسەي, بەلارۋس جانە قازاقستان اراسىنداعى تاۋار اينالىمىن ارتتىرىپ, كەدەندىك باقىلاۋدى جويدى.
ەۋرازيالىق وداقتىڭ الدىنا قويعان ماقساتى – تاۋەلسىز قازاقستاننىڭ ارىپتەس مەملەكەتتەرمەن مۇددە بىرىكتىرىپ, قول ۇستاسىپ, الەمدىك قيىندىق-قىسپاقتاردان ءارى ءوتۋى. ماقسات تا, مۇددە دە – وسى.
مۇحانبەت ءجۇنباسوۆ,
«نۇر وتان» حدپ ماڭعىستاۋ وبلىستىق
فيليالى توراعاسىنىڭ ورىنباسارى.
اقتاۋ.
