اكەلى-بالالى ءۋاليحان مەن عالىمجان ارىپوۆتەر – ىسكەرلىكتەرىمەن اتى شىققان ازاماتتار. زارەچنىي اۋىلىن جۇتىندىرىپ قويدى, اۋىل شارۋاشىلىعى سالاسىن ورگە سۇيرەپ كەلەدى. بۇگىنگى تاڭدا كوكتەمگى جانە كۇزگى دالا جۇمىستارىن «CLASS» ماركالى 30 استىق كومباينى مەن 12 «John Deere» تۇقىم سەبۋ كەشەندەرىمەن اتقارادى. وعان قوسا, «Morris» جانە «Byller» فيرمالارىنىڭ زاماناۋي تەحنيكالارى مەن جابدىقتارى بار. وسىنداي كۇش-قۋاتتىڭ ارقاسىندا تەحنولوگيالىق جۇيەلەر تولىعىمەن جاڭعىرتىلىپ, جوعارى ونىمدىلىككە قول جەتكىزۋدە. بىلتىر كوكتەمدە 30 مىڭ گەكتاردان استام القاپقا ون كۇننىڭ ىشىندە ءدان سەۋىپ ۇلگەردى. كۇزدە ايتارلىقتاي مول ءونىم جينادى. ەندىگىسى – ءونىمدى وڭدەۋ.
اگروتەحنيكالىق شارالار ۋاقتىلى اتقارىلعان سوڭ ەگىن شىعىمى دا كوڭىل توعايتارلىق. اۋداندىق ورتاشا كورسەتكىشتەن ەكى ەسە اسىپ ءتۇسۋ داستۇرگە اينالعان. بيداي, ارپا, س ۇلى داقىلدارىن ءوسىرۋ باعىتىنداعى ەليتالىق تۇقىم شارۋاشىلىعى مارتەبەسىنە يە. ەگىنشىلىك سالاسىن ءارتاراپتاندىرۋدا ا.باراەۆ اتىنداعى عىلىمي-زەرتتەۋ ينستيتۋتىنىڭ عالىمدارىمەن جاسالعان ىنتىماقتى بايلانىس ءوز جەمىسىن بەرىپ وتىر. سەرىكتەستىكتىڭ اۋدانداستىرىپ, سىناقتان وتكىزگەن تۇقىمدارىن سولتۇستىك قازاقستان مەن قوستاناي وبلىستارىنىڭ ديقاندارى پايدالانۋدا.
– ءوز ءونىمىمىزدى ءوزىمىز وڭدەۋ, وڭدەلگەن ءونىمدى قازاقستاننىڭ برەندى رەتىندە الىس-جاقىن شەتەلدەرگە, ەۋروپاعا شىعارۋ كوپتەن بەرى كوكەيدە جۇرگەن ارمان ەدى, – دەيدى «باحا-زەن» سەرىكتەستىگىنىڭ ديرەكتورى عالىمجان ءارىپوۆ.
پوكروۆكا اۋىلىنىڭ جانىندا تسەح سالۋعا ابدەن لايىقتى الاڭ بار. وسى جەردە ەرتە كوكتەمدە س ۇلى ونىمدەرىن وندىرەتىن تسەحتىڭ قۇرىلىسىن باستاپ كەتپەكشى. س ۇلى ۇگەتىن قۇرىلعىنىڭ ەڭ وزىعىن شەتەلدەن الدىرماق. سوندىقتان دا قۇنى قىمبات. جالپى, وسى تسەحقا ءوز ەسەبىنەن 1 ميلليارد 300 ميلليون تەڭگە قارجى سالماق. قازىر ەلۋ پايىزىن تولەپ قويعان. ەسەبىنشە, ون توننا س ۇلىدان 6 توننا جارما دايىندالادى. كەشەن ءبىر ساعاتتا ەكى توننا س ۇلىنى ۇگە الادى. س ۇلى جارماسىنىڭ باعاسى تۋرالى ايتۋعا ءالى ەرتەرەك. ويتكەنى تسەح ىسكە قوسىلعان كەزدە نارىقتاعى باعانىڭ قانداي بولاتىندىعىن بولجاۋ قيىن.
– ءبىر جىلعا ون مىڭ توننا س ۇلى قاجەت, – دەيدى سەرىكتەستىك ديرەكتورى. – مۇنداي كولەم وزىمىزدە وندىرىلەدى. سوندىقتان شيكىزات جونىندە ەشقانداي قولبايلاۋ بولمايدى. ەڭ باستىسى, ەلباسى جولداۋىندا اتاپ كورسەتىلگەندەي, حالىقتىڭ ءال-اۋقاتىن كوتەرۋگە شاراپاتىمىز تيسە دەيمىز. تسەح ىسكە قوسىلعان كەزدە جەرگىلىكتى تۇرعىنداردىڭ 15-ءى تۇراقتى جۇمىسپەن قامتاماسىز ەتىلەدى. ەكىنشى جاعىنان ءوز ءونىمىمىزدى شيكىزات كۇيىندە ەمەس, وڭدەپ ۇسىنامىز.
شىنىندا دا قازىر ساۋدا سورەلەرىندە ساتىلىپ جاتقان جارمانىڭ باسىم بولىگى شەتەلدىك ونىمدەر. ءدال مۇنداي جوبا وڭىردە بۇرىن-سوڭدى بولعان ەمەس. سەرىكتەستىك باسشىلارى دا تۇتىنۋشىلار تاراپىنان سۇرانىسقا يە بولىپ وتىرعان قاجەتتىلىكتى زەرتتەپ بىلگەن. قازىر جۇرت حولەستەرينى كوپ ەتتەن گورى اعزاعا جەڭىل جارماعا كوبىرەك ۇمتىلۋدا. ەندەشە, ەلگە كەرەك دۇنيەنى وزدەرى نەگە شىعارىپ, ۇسىنباسقا. ونىڭ ۇستىنە شيكىزات كۇيىندە ءسال ارزان كەتەتىن سۇلىنى الەمدىك ستاندارتقا ساي ەتىپ دايىنداسا, ايى وڭىنان تۋماي ما؟..
بايقال ءبايادىل,
«Egemen Qazaqstan»
اقمولا وبلىسى
