سول جولى رەسەيلىك تەلەباعدارلاما ادينانىڭ قابىلەتىن تەكسەرۋ ءۇشىن ايگىلى «ۆولشەبنيك يزۋمرۋدنوگو گورودا» كىتابىنان ءۇزىندى الىپ, كەيبىر سويلەمدەرىن وزگەرتىپ, وزىندىك سىناقتارعا بارعانى ەستە. ادينا مۇنداي قيتۇرقى ءتورت سۇراقتىڭ ۇشەۋىنە دۇرىس جاۋاپ بەردى.
ايتقانداي, ادينانى «تاڭعاجايىپ ادامدار» شوۋى شاقىرار الدىندا ءۇيىمداستىرۋشىلار بىر قۋلىققا بارادى. رەداكتور ەكراننان ءبىر ءماتىندى كورسەتە بەرگەندە, بايلانىس ءۇزىلىپ قالادى. سوسىن ماسكەۋلىكتەر قايتا حابارلاسىپ, ءماتىندى قايتا كورسەتپەك بولعاندا, ادينا ءوزىنىڭ وقىپ ۇلگەرگەنىن ايتادى. وسى جالعىز جاۋاپ ەلدەن ەرەك جەتكىنشەكتى ايگىلى باعدارلاماعا باستاپ اپارادى.
ارينە, وسىدان كەيىن وتاندىق سايتتار بۇل قىز تۋرالى جارىسا جازدى. الدىمەن ادينا ماناتبەكوۆا بولىپ تانىلعان دارىندى قىز تەگىن وزگەرتىپ, قازىر نۇرلانباەۆا بولىپ ءجۇر. مۇنىڭ سەبەبىن تۇسىندىرۋگە اسا ق ۇلىق تانىتا قويمادى.
سونىمەن, ءبىر كەزدە كىتاپ وقۋعا قىزىقپايتىن كادىمگى ادينانى جىلدام وقۋدان قازاقستان چەمپيونى دارەجەسىنە دەيىن جەتكىزگەن اناسى – ارداق.
– 2016 جىلى ماۋسىمدا انام مەنى جىلدام وقۋ ۇيىرمەسىنە جازىپ قويعانىن ايتقاندا, قارسى بولعانىم جوق. ويتكەنى اناما مەنىڭ كىتاپ وقۋعا ق ۇلىقسىزدىعىم ۇنامايتىن. كىتاپ وقىسام بولدى, ۇيقىم كەلە باستايدى. ۇيىرمەگە وسى جالقاۋلىعىمدى جەڭۋ ءۇشىن باردىم, – دەيدى سوزدەرى پايىمدى قىز.
اديناعا اتا-انالاردىڭ بالاسىن تابىسقا, بىلىمگە جەتەلەۋدىڭ كلاسسيكالىق ۇلگىسى دەپ تە قاراۋعا بولادى.
ول 3 جاسىنان باستاپ اناسى «Focus» بيگە جەتەلەپ اپارعان بالا. ال 4 جاسىندا فورتەپيانودا ويناي باستايدى. ويتكەنى فورتەپيانو دا كەز كەلگەن مۋزىكا قۇرالى سياقتى ۇلكەن ونەرگە جەتەلەيتىن جانە بۇكىل ومىرىنە ارقاۋ بولاتىن جول. ودان كەيىن 5 جاسىندا شاحمات ويناپ, ويلاۋ, پايىمداۋ, شەشىم قابىلداۋ ونەرىنە ماشىقتانادى. ارينە, 6 جاسىندا مەكتەپكە بارعان ءبۇلدىرشىن ءوز ورتاسىندا سۋدا جۇزگەن بالىقتاي بولادى.
وسىدان كەيىن 8 جاسىندا مەملەكەتتىك «گۇلدەر» بي انسامبلىنە ءبىرىنشى سىناقتان سۇرىنبەي قابىلدانادى.
جوعارىداعى ۇيىرمەنىڭ ناتيجەسىندە جىلدام وقۋدان قازاقستان چەمپيونى دارەجەسىنە جەتكەن جەتكىنشەك 2017-2018 وقۋ جىلىندا «قازاقستاننىڭ 100 دارىندى وقۋشىسى» كىتابىنا ەندى. ادينا 2016 جىلى مينۋتىنا 94 مىڭ ءسوز وقيتىن بولسا, قازىر مينۋتىنا 132 مىڭ ءسوز وقي الادى. ەڭ باستىسى, مازمۇنىن ءتۇسىنىپ, ەستە ساقتاي الاتىن قابىلەتكە يە.
شىندىعىندا, دارىندى وقۋشى 1 ساعاتتا ءتىلى جەڭىل 500 بەتتىك كىتاپتى وقي الاتىن قابىلەتى بار. ءوز ەركىنە سالعاندا پسيحولوگيا, مەديتسينا جايلى كىتاپتاردى كوبىرەك وقيدى. مۇمكىن بۇل بولاشاقتا دارىگەر بولامىن دەگەن ارماندارىنىڭ باستاۋى بولار.
– جىلدام وقۋ ءادىسىن ءارتۇرلى تاسىلدەرمەن مەڭگەرۋگە بولادى. سونىڭ ءبىرى - الاقاندى قويىپ وقۋ. ال ماعان سكانەر ءادىسى ۇنايدى. شۋلتە كەستەسى وتە ءتيىمدى. كىتاپتى يرەك ءىز, قۇرباقا سەكىرىسى, كولدەنەڭ جولمەن وقۋدى ۇيرەندىم. جىلدام وقۋدى شىنداپ ۇيرەنگىسى كەلگەن ادام ۇيىرمەگە بارماي-اق, ينتەرنەتتەن شۋلتە كەستەسى ارقىلى دا مەڭگەرە الادى, – دەيدى ادينا نۇرلانباەۆا.
قىسقاسى, رەداكتسياعا اجەسىمەن بىرگە كەلگەن ادەمى قىز ەڭبەكپەن كەلگەن ەرەن تالانتىمەن ءبىزدى دە تاڭداندىرىپ بارىپ, ساباعىنا جۇگىرىپ كەتتى. جىلدام وقۋ دەگەندە ول ماتىنگە جولما-جول كوز جۇگىرتپەيدى, مازمۇنىن «سكانەرلەپ» قابىلدايتىن قابىلەتكە يە.
ايناش ەسالي,
«Egemen Qazaqstan»
الماتى
