تەمىرجول توسەنىشىن قاردان ارشۋ جونىندەگى جۇمىستار ءۇزىلىسسىز جۇرگىزىلىپ كەلەدى. وتكەن تاۋلىك ىشىندە تەمىرجول جەلىلەرىنەن 20 مىڭ تەكشە مەتر قار تازارتىلدى. شامامەن 3500 كم تەمىرجول توسەنىشى قاردان ارشىپ الىندى. بۇل جۇمىستارعا 2700 تەمىرجولشى جۇمىلدىرىلدى. ماگيسترالدىق جەلىلەرگە بارلىق قارتازارتۋ جانە قاردانارشۋ تەحنيكالارىمەن 73 شىعۋ جۇزەگە اسىرىلدى. سەمەي بولىمشەسى ماگيسترالدىق جەلىسىندە قاردان تازارتۋ ءۇشىن جول مونتەرلەرىنەن وزگە, سونداي-اق كورشىلەس تەمىرجول كاسىپورىندارىنىڭ جۇمىسشىلارى دا تارتىلدى.
لوكوموتيۆتەر مەن ۆاگونداردى پايدالانۋ دەپولارىندا جۇك جانە جولاۋشىلار پويىزدارىنا تەحنيكالىق قىزمەت كورسەتۋ بارىسىنا باقىلاۋ قاتانداتىلدى.
تاۋلىك ىشىندە كەيبىر باعىتتار بويىنشا جولاۋشىلار پويىزدارىنا قوسىمشا 24 ۆاگون تىركەۋ ۇيىمداستىرىلدى.
توتەنشە جاعدايلار تۋىنداعان كەزدە تەمىرجولشىلار «جولاۋشىلار تاسىمالى» اق قۇرىلىمدىق بولىمشەلەرى مەن كولىك كومپانيالارى اراسىنداعى كەشەندى ءوزارا كومەك جونىندەگى مەموراندۋم نورمالاردى جانە ەرەجەنى باسشىلىققا الادى. بۇدان باسقا, شتاتتان تىس جاعدايلار تۋىنداعان كەزدە تج باسقارماسىمەن بىرلەسكەن ءىس-ارەكەتتەر قابىلدانادى.
اۋا رايىنىڭ قولايسىزدىعىن ەسەپكە الا وتىرىپ, تەمىرجولشىلار تەمىرجول ينفراقۇرىلىم نىساندارىندا قاۋىپسىزدىك ەرەجەلەرىن قاتاڭ ساقتاۋعا جانە بارىنشا اباي بولۋعا شاقىرادى. اتاپ ايتقاندا, تەمىر جولداردى ارنايى جاساقتالعان ورىنداردان ءوتۋ كەرەك.
