ءوزىنىڭ كەلەسى كەزدەسۋىن ەندى ءبىزدىڭ قىزدار ءۇندىستان قۇراماسىنا قارسى وتكىزەدى. بۇل كوماندانى دا ازۋلى دەپ ايتا المايمىز. بۇگىنگى تاڭدا ايتۋلى ەلدىڭ ەڭ ۇزدىك تەننيسشىسى الەمدىك رەيتينگتە 165 ورىندا تۇر. ول – انكيتا راينا. تاعى ەكەۋى WTA تىزىمىندە «توپ-300» ويىنشىنىڭ قاتارىنا ەنىپ وتىر. ولار – تحاندي كارمان كاۋر (№211) مەن پراندجالا يادلاپالي (№293). ءۇندى ەلىنىڭ تاعى ءبىر اتاپ وتۋگە تۇرالىق تەننيسشىسى بحسالە رۋتۋجا. ول الەمدىك رەيتينگتە 350 ورىندى يەلەنۋدە.
ارينە, ۇندىستانعا قاراعاندا قازاقستاننىڭ قىزدارى الدەقايدا قارىمدى. ءبىزدىڭ ەكى بىردەي ارۋىمىز «توپ-100» ويىنشىنىڭ قاتارىندا. ولار – يۋليا پۋتينتسەۆا (№43) مەن زارينا دياس (№96). ال وزگە وتانداستارمىز مىنداي ساتىلارعا جايعاستى: ەلەنا رىباكينا – 196, اننا دانيلينا – 368 جانە گوزال اينۋتدينوۆا – 504.
عالىم سۇلەيمەن,
«Egemen Qazaqstan»
