سپورتتىڭ 40 تۇرىنەن 4 جىلدا ءبىر ۇيىمداستىرىلاتىن الامان دوداعا ەلىمىزدىڭ بارلىق وڭىرىنەن كەلگەن سپورتشىلار باق سىناۋدا. جارىستىڭ سالتاناتتى اشىلۋ راسىمىنە قازاقستان ۇلتتىق وليمپيادا كوميتەتى سپورت ديرەكتسياسىنىڭ ديرەكتورى ەلسيار قاناعاتوۆ, قازاقستاننىڭ ەڭبەك سىڭىرگەن سپورت شەبەرى, الەم چەمپيونى داۋلەت تۇرلىحانوۆ جانە شىمكەنت قالاسىنىڭ اكىمى عابيدوللا ءابدىراحىموۆ قاتىسىپ, سپورتشىلارعا ساتتىلىك تىلەدى.
«ەلباسىنىڭ سپورت پەن دەنە شىنىقتىرۋدى دامىتۋ جونىندەگى باستامالارى نەگىزىندە شىمكەنت قالاسىنداعى قاجىمۇxان اتىنداعى ورتالىق ستاديونى فيفا تالاپتارىنا ساي تولىقتاي جاڭارتىلادى. فۋتبول الاڭىنىڭ كوگالىنا دەيىن قايتا توسەلەدى. سونىمەن قاتار شاھارىمىزدا الىپ سپورت سارايى سالىنادى. وندا ويىن الاڭدارىمەن قاتار, بوكس, كۇرەس زالدارى جانە سۋ باسسەينى زاماناۋي ۇلگىدە بولادى. شىمكەنت قالاسىنىڭ سپورتشىلارى ءۇشىن بارلىق مۇمكىندىكتەر قاراستىرىلادى», دەيدى شاھار باسشىسى.
5 اقپان كۇنى گرەك-ريم كۇرەسىنەن باستاۋ العان تارتىستى باسەكەدە بالۋاندار مىقتىتىلىعىن كورسەتۋدە. جارىس كۇنىندە شارشى الاڭ تورىنە شىققان بالۋاندار 5 سالماق دارەجەسى بويىنشا چەمپيوندىققا تالاستى. الاڭ يەلەرى ساپىندا 55 كەلى سالماق دارەجەسىندە راحىمجان رساليەۆ, 60 كەلىدە رينات بالتاشەۆ, نۇرسۇلتان قالمۇرزاەۆ, 72 كەلىدە جاحور گۋچيگوۆ, ماگومەت چۋحالوۆ, 77 كەلىدە اسحات جاڭبىروۆ, يليندار ساتاەۆ , 97 كەلىدە ءالىمحان سىزدىحوۆ, لورس دەتسيەۆتەر بەلدەسىپ, ءوزارا كىم مىقتىنى انىقتاۋدا. بوز كىلەم ۇستىندەگى بەلدەسۋدى داڭقتى بالۋان, فيلا مۇشەسى داۋلەت تۇرلىحانوۆ باقىلاپ, قازىلىق ەتتى.
ەستەرىڭىزگە سالار بولساق, بۇگىن ساعات 16:00-دە شىمقالادا ءوتىپ جاتقان كۇرەستەن قازاقستان رەسپۋبليكاسى 5-ءشى سپارتاكياداسىنىڭ فينالدىق كەزدەسۋلەرى بولادى.
نۇرشات توكەن,
«Egemen Qazaqstan»
شىمكەنت
