اۋىل • 06 اقپان، 2019

سولتۇستىك قازاقستاندا شەتەلدىك تاجىريبە ءساتتى جۇزەگە اسىپ كەلەدى

405 رەتكورسەتىلدى

وڭىردە 2013 جىلى ەنگىزىلگەن كانادالىق جوبا گيپەرتونيا، قانت ديابەتى مەن جۇرەك اۋرۋلارىن ساۋىقتىرۋعا ارنالعان.

بەس جىلعا سوزىلعان باعدارلاماعا  ەكىجۇزگە جۋىق سولتۇستىكقازاقستاندىق قاتىسىپ، كەسەلدەرىنە شيپا تاپتى. باعدارلامانىڭ قاتەرلى سوزىلمالى اۋرۋعا شالدىققانداردىڭ دەرتىن اسقىندىرماي جاقسارتۋعا باعىتتالعان تيىمدىلىگى انىق بايقالعاننان كەيىن ونىڭ يگىلىگىن كورۋشىلەردىڭ قاتارى ارتىپ كەلەدى.  جۇرەك اۋرۋلارى، قانت ديابەتى مەن گيپەرتونيادان زارداپ شەگەتىندەر ءۇشىن زور پايداسىن №3 قالالىق ەمحانانىڭ سالاۋاتتى ءومىر سالتى كابينەتىنىڭ مەيىربيكەسى قارلىعاش ابدەنوۆا بىلاي اڭگىمەلەيدى:– گيپەرتونياعا شالدىققانا ناۋقاستارمەن جۇمىس ىستەۋدىڭ تىرەك پۋنكتى  №3 قالالىق ەمحانادا ورنالاسقان. قۇرامىندا جالپى تاجىريبەلىك دارىگەر، كارديولوگ، پسيحولوگ، الەۋمەتتىك قىزمەتكەر مەن سالاۋاتتى ءومىر سالتى ماماندارى بار توپ ءاربىر ادامعا قاتىستى جەكە جوسپار قۇرىپ، ونىڭ ورىندالۋىن باقىلاۋدا ۇستايدى. ناتيجەلەرى ايتارلىقتاي. اۋرۋلاردى باسقارۋ باعدارلاماسىنا قاتىسقان 150 ادامنىڭ بارلىعى قازىر وزدەرىن قالىپتى سەزىنەدى. باسىم كوپشىلىگى ارتىق سالماقتان ارىلىپ، تاماقتانۋ مەن قيمىل-قوزعالىسىن قالىپقا كەلتىردى. كوكونىستى كۇندەلىكتى تۇتىنۋمەن قاتار تازا اۋادا سەرۋەندەۋدى ، سپورتپەن شۇعىلدانۋدى ومىرلىك داعدىعا اينالدىردى. ەڭ باستىسى، قان قىسىمىن قالىپتا ۇستاۋ مۇمكىندىگى تۋدى.

 ليۋبوۆ نەدوستوەۆا  العاش دارىگەردىڭ قابىلداۋىنا كەلگەندە قان قىسىمى وتە جوعارى بولىپتى. سوندىقتان تىڭ جوباعا قاتىسۋعا بىردەن كەلىسىپتى.

 «قان قىسىمىم تۇراقتانعاننان كەيىن مىندەتتى تۇردە ديەتا ۇستاۋعا، سپورتپەن اينالىسۋعا كوشتىم. باسسەيندە  سۋعا جۇزەتىن بولدىم. جاز ايلارىندا باۋ-باقشادا ەڭبەك ەتىپ، تازا اۋادا تىنىعامىن. ءبىر جىلدان سوڭ سالماعىم 15 كەلىگە كەمىپ، كەسەلدەن ءبىرجولا ايىقتىم»، دەيدى ول.

ءومىر ەسقالي،

«ەگەمەن قازاقستان».

سولتۇستىك قازاقستان وبلىسى.

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار