«اۋا رايىنىڭ قولايسىزدىعى (- 35 گرادۋس) استانا «نۇرلى جول» - قىزىلوردا باعىتىنداعى №92 جولاۋشىلار پويىزىنىڭ جانە كەرى باعىتتاعى قىزىلوردا - استانا باعىتىنداعى «نۇرلى جول» №91 جولاۋشىلار پويىزىنىڭ توقتاۋىنا سەبەپ بولدى», - دەلىنگەن حابارلامادا.
اقپاراتتارعا سايكەس, №92 جولاۋشىلار پويىزى ايسا ستانساسىندا توقتاپ, قاراعاندى ستانساسىنا قايتا ورالۋدا, وندا بيلەت قۇنىنىڭ 100%-ى قايتارىلادى.
«جولاۋشىلاردى ءتيىستى ستانساعا دەيىن جەتكىزۋ ءۇشىن №86 استانا - سارىاعاش پويىزىنا 6 قوسىمشا كۋپەلىك ۆاگون تىركەلىپ, دايىندالدى», - دەلىنگەن ءباسپاسوز حابارلاماسىندا.
سونىمەن قاتار قاراعاندى ستانساسىندا توقتاتىلعان مارشرۋتتىڭ بيلەتتەرىن قايتارۋ جانە №86 استانا-سارىاعاش جانە باسقا دا پويىزدارعا بيلەت رەسىمدەۋ بويىنشا جۇمىستار كۇشەيتىلدى.
«جولاۋشىلاردىڭ بارلىق جاعدايى جاسالعان جانە ولار تەگىن تاماقپەن قامتاماسىز ەتىلگەن», - دەلىنگەن حابارلامادا.
