الدىمەن جينالعاندارعا مەكتەپكە دەيىنگى, جالپى جانە ورتا ءبىلىم بەرۋ, تاربيە جۇمىسى, تەحنيكالىق جانە كاسىپتىك ءبىلىم بەرۋ باعىتتارى بويىنشا پەداگوگتاردىڭ ماقالالارى ەنگىزىلگەن جيناق تانىستىرىلىپ, مۇعالىمدەردىڭ اۆتورلىق باعدارلامالارى, وزىق تاجىريبەلەرى ۇسىنىلعان يننوۆاتسيالىق كورمە تاماشالاندى. ودان كەيىن القا ءماجىلىسى اياسىندا 500-دەن استام ءبىلىم سالاسى مامانىنا ارنالعان بەس سەكتسيالىق وتىرىس ۇيىمداستىرىلدى. ولارعا «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارماسىنىڭ ءتورايىمى كۇلاش ءشامشيدينوۆا, «EDTECH» حالىقارالىق ءبىلىم بەرۋ ورتالىعىنىڭ باس ديرەكتورى, قازاقستان ۇلتتىق «يۋنەسكو» كلۋبتارى فەدەراتسياسىنىڭ ۆيتسە-پرەزيدەنتى, رھD دوكتورى عاني بەيسەنباەۆ, «ساGarden School» اتقارۋشى كومپانياcىنىڭ باس ديرەكتورى, «Astana Garden School» نەگىزىن قالاۋشى نۇرمۇحاممەد دوسىباەۆ, جەكە مەكتەپ باسشىلارى قاتىسىپ, مەكتەپتەردى باسقارۋ فورمالارى, توپ-مەنەدجەرلەر رەزەرۆىن قۇرۋ, ساپاسىن ارتتىرۋ ماسەلەلەرى بويىنشا بايانداما جاساپ, تاجىريبەمەن ءبولىستى. «قازينتەرسەرۆيس» كومپانياسىنىڭ روبوتوتەحنيكا ءبولىمىنىڭ مەنەدجەرى ۇلان جامليحانوۆ 3D پرينتينگ جانە ۆيرتۋالدى شىنايىلىق يننوۆاتسيالىق ءبىلىم بەرۋ تەحنولوگيالارىن, ينتەراكتيۆتىك وقىتۋ جۇيەسىن تانىستىردى.
كەڭەيتىلگەن القا ءماجىلىسىن اشقان وبلىستىق ءبىلىم باسقارماسىنىڭ باسشىسى گۇلميرا كارىموۆا ەلىمىز بەن شەتەلدىك ءبىلىم بەرۋ جۇيەلەرىنىڭ نەگىزگى ايىرماشىلىقتارىن ءسوز ەتە وتىرىپ, سوڭعى جىلدارى قازاقستاندىق جۇيە ەلەۋلى وزگەرىستەرگە ۇشىراعانىن اتاپ ءوتتى.
«2018 جىلى ءوڭىرىمىزدىڭ ءبىلىم سالاسىنا قۇيىلعان ينۆەستيتسيا كولەمى 2017 جىلمەن سالىستىرعاندا, 3,5 ەسەگە ارتىپ, 6,5 ميلليارد تەڭگەگە جەتتى. بيىل ماتەريالدىق-تەحنيكالىق بازانى نىعايتىپ, ءبىلىم الۋشىلاردىڭ ساۋاتتىلىعىن ارتتىرۋ ماقساتىمەن 60 ميلليارد تەڭگەگە جۋىق قارجى بولىنەدى», دەدى ول.
ءبىلىم جانە عىلىم مينيسترلىگى ىبىراي التىنسارين اتىنداعى ۇلتتىق اكادەمياسى ورتا ءبىلىم مازمۇنىن ادىسنامالىق قامتاماسىز ەتۋدى ۇيلەستىرۋ ورتالىعىنىڭ ديرەكتورى قارلىعاش قۇداباەۆا «پەداگوگ مارتەبەسى تۋرالى» زاڭ جوباسىمەن تانىستىردى. ۇستازداردى تالقىلاۋعا بەلسەنە قاتىسۋعا شاقىردى. قازىرگى مەكتەپتەردەگى اقپاراتتاندىرۋدان باستاپ ءبىلىم بەرۋ تەحنوسفەراسىنا دەيىنگى ۇدەرىس جايىندا «EDTECH» حالىقارالىق ءبىلىم بەرۋ ورتالىعىنىڭ باس ديرەكتورى عاني بەيسەنباەۆ بايانداپ بەردى.
القا ءماجىلىسىن وبلىس اكىمىنىڭ ورىنباسارى ماديار قوجاحمەت قورىتىندىلاپ, ءبىلىم بەرۋ جۇيەسىنىڭ كادرلىق الەۋەتى ەلىمىزدىڭ ءبىلىم سالاسىن دامىتۋعا, كۇردەلى مەملەكەتتىك مىندەتتەردى شەشۋگە مۇمكىندىك بەرەتىنىنە سەنىم ءبىلدىردى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
