قازاقستان رەسپۋبليكاسىنىڭ ۇلتتىق بانكى باسقارماسىنىڭ قاۋلىسى № 212
بەيسەنبى, 26 قاڭتار 2012 7:05
الماتى قالاسى, 2011 جىلعى 26 جەلتوقسان
قازاقستان رەسپۋبليكاسىنىڭ ۇلتتىق بانكى باسقارماسىنىڭ «اينالىستاعى ۇلتتىق ۆاليۋتانىڭ اقشا بەلگىلەرىنىڭ ديزاينى (نىسانى) وزگەرگەن كەزدە ولاردى اۋىستىرۋ ەرەجەسىن بەكىتۋ تۋرالى» 2000 جىلعى 20 شىلدەدەگى № 301 قاۋلىسىنا وزگەرىستەر ەنگىزۋ تۋرالى
بەيسەنبى, 26 قاڭتار 2012 7:05
الماتى قالاسى, 2011 جىلعى 26 جەلتوقسان
قازاقستان رەسپۋبليكاسىنىڭ ۇلتتىق بانكى باسقارماسىنىڭ «اينالىستاعى ۇلتتىق ۆاليۋتانىڭ اقشا بەلگىلەرىنىڭ ديزاينى (نىسانى) وزگەرگەن كەزدە ولاردى اۋىستىرۋ ەرەجەسىن بەكىتۋ تۋرالى» 2000 جىلعى 20 شىلدەدەگى № 301 قاۋلىسىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس جانە ۇلتتىق ۆاليۋتا اقشا بەلگىلەرىنىڭ ديزاينى (نىسانى) وزگەرگەن كەزدە ولاردى اينالىستان الۋ بويىنشا وڭتايلى جۇمىسقا قول جەتكىزۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «اينالىستاعى ۇلتتىق ۆاليۋتانىڭ اقشا بەلگىلەرىنىڭ ديزاينى (نىسانى) ءوزگەرگەن كەزدە ولاردى اۋىستىرۋ ەرەجەسىن بەكىتۋ تۋرالى» 2000 جىلعى 20 شىلدەدەگى № 301 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1232 تىركەلگەن, «ەگەمەن قازاقستان» گازەتىندە 2000 جىلعى 29 تامىزدا № 211 جاريالانعان) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن اينالىستاعى ۇلتتىق ۆاليۋتانىڭ اقشا بەلگىلەرىنىڭ ديزاينى (نىسانى) وزگەرگەن كەزدە ولاردى اۋىستىرۋ ەرەجەسىندە:
3-تارماقتىڭ 6) تارماقشاسى مىناداي رەداكتسيادا جازىلسىن:
«6) ەكىنشى دەڭگەيدەگى بانكتەر – ەكىنشى دەڭگەيدەگى بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار.»;
8-تارماقتىڭ ءۇشىنشى بولىگى مىناداي رەداكتسيادا جازىلسىن:
«ۇلتتىق بانك ۇلتتىق بانك باسقارماسىنىڭ قاۋلىسى قولدانىسقا ەنگىزىلگەن كۇننەن باستاپ ءبىر اي مەرزىمدە ۇلتتىق بانكتىڭ فيليالدارىنا, شەت ەلدەردىڭ ورتالىق (ۇلتتىق) بانكتەرىنە جانە قارجى پوليتسياسى ورگاندارىنا اينالىستاعى ۇلتتىق ۆاليۋتانىڭ اقشا بەلگىلەرىن اۋىستىرۋ تالاپتارى مەن مەرزىمدەرىن نازاردا ۇستاۋ ءۇشىن جىبەرەدى, جاڭا ۇلگىدەگى اقشا بەلگىلەرىنىڭ سيپاتتاماسى مەن ۇلگىلەرىن جىبەرەدى.»;
11-تارماق الىپ تاستالسىن;
15-تارماق مىناداي رەداكتسيادا جازىلسىن:
«15. ۇلتتىق بانكتىڭ فيليالدارى ەرەجەنىڭ 13-تارماعىندا بەلگىلەنگەن مەرزىم وتكەننەن كەيىن 3 ء(ۇش) جىل ىشىندە جەكە جانە زاڭدى تۇلعالاردان ەسكى ۇلگىدەگى اقشا بەلگىلەرىن قابىلدايدى جانە قولدانىستاعى اقشا بەلگىلەرىنە اۋىستىرادى.».
قابىلدانعان اقشا بەلگىلەرىنىڭ تولەمدىلىگى قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىنىڭ تولەمدىلىگىن انىقتاۋ ەرەجەسىن بەكىتۋ تۋرالى» 2003 جىلعى 26 جەلتوقسانداعى № 477 قاۋلىسىندا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2689 تىركەلگەن) بەلگىلەنگەن ءتارتىپپەن ايقىندالادى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءادىلەت مينيسترلىگىندە 2012 جىلعى 19 قاڭتاردا №7388 تىركەلگەن.
