ءبىر رەتتىك ىدىستاردان باس تارتۋعا ارالدىڭ ەكولوگيالىق جاعدايىنىڭ ناشارلاۋى سەبەپ بولدى. كاريب تەڭىزى ۋنيۆەرسيتەتىنىڭ رەكتورى فرينتس پيننوكتىڭ ايتۋىنشا, جاڭبىردان سوڭ ارال استاناسى كينگستون پلاستيكالىق بوتەلكەلەر مەن پاكەتتەرگە تولىپ كەتەدى. ال ولار جەرگىلىكتى فلورا مەن فاۋنانىڭ ءومىرى ءۇشىن قاۋىپتى.
ء«بىزدىڭ ەكونوميكامىز تىكەلەي تۋريزمگە بايلانىستى. سوندىقتان جاعاجايلارىمىزدى كۇتۋىمىز قاجەت. ال پلاستيك جاعاجايلارعا ءوز زارارىن تيگىزىپ ۇلگەردى» دەيدى ۋنيۆەرسيتەت رەكتورى. بۇعان قوسا يامايكادا قوقىستى سۇرىپتاۋ مادەنيەتىن قالىپتاستىرعىسى كەلەتىنىن دە ايتىپ ءوتتى.
سوڭعى كەزدەرى بىرقاتار مەملەكەت پلاستيكتەن باس تارتىپ جاتىر. تۇركيا رەسپۋبليكاسى جاڭا جىلدان باستاپ پوليەتيلەن قولدانىسىن ازايتۋ ءۇشىن دۇكەندەردە تەگىن ۇسىنىلاتىن پاكەتتەردى ساتا باستادى. سول سياقتى ەۋرووداق تا پلاستيكتەن جاسالعان تۇرمىستىق زاتتاردى قولدانباۋ تۋرالى ديرەكتيۆاعا قول قويدى.
ال وڭتۇستىك كورەيا پوليەتيلەن پاكەتتەردى ساتىپ, قولدانعاندارعا 2,7 مىڭ اقش دوللارى كولەمىندە ايىپپۇل سالاتىن بولدى. بۇل ەلدەردىڭ قاتارىن مولدوۆا تولتىرماق. مولدوۆانىڭ پارلامەنتتىك كوميسسياسى 2021 جىلدان باستاپ پلاستيك ىدىستاردى ساتۋعا تىيىم سالاتىنىن حابارلادى.
