بۇل تەندەنتسيا 45 جاستان اسقان ايەلدەرگە ءتان قۇبىلىس بولىپ شىقتى. ەر-ازاماتتاردىڭ 49 پايىزى وسى بويداق كۇنىمىزگە رازىمىز دەسە, نازىك جاندىلاردىڭ 69 پايىزى بويداق تىرشىلىكتەرىنە ريزا ەكەندەرىن ايتقان. ماماندار بۇل قۇبىلىستى ايەل ادامداردىڭ جاۋاپكەرشىلىكتەن قاشىپ, وزىنە انالىق مىندەتتى العىلارى كەلمەگەندىكتەن دەيدى.
– تۇرمىستاعى ايەل ءۇي شارۋاسىنا كوپ ۋاقىتىن ءبولىپ, وتباسى قۇندىلىقتارىن جوعارى باعالاپ, سونىڭ ۇيىتقىسى بولۋى ءۇشىن بار كۇشتەرىن جۇمسايدى. سوعان سايكەس كۇيەۋلەرى دە بەيىمدەلىپ, كوپ جاعدايدا ايەلدەرىنىڭ كومەگىنە سۇيەنەدى. بالكىم, تۇرمىسقا شىعۋدى قالامايتىن بويجەتكەندەردىڭ بالامالى سپەكترى كەڭ شىعار, – دەيدى ەسسەكس ۋنيۆەرسيتەتىنىڭ پروفەسسورى ەميلي گراندي.
ءتۇيىن
الەمدەگى بۇل قۇبىلىس ۋاقىت وتكەن سايىن كەڭەيىپ كەلەدى. ايەل زاتىنىڭ ءبىر اۋلەتتىڭ ءتۇتىنىن تۇتەتىپ وتىرعانى – ەشقانداي بالاماعا تەڭ كەلمەيتىن باقىت ەمەس پە؟!
