ءبىرىنشى بولىپ شارشى الاڭعا مەيىرىم نۇرسۇلتانوۆ شىقتى. سەگىز راۋندقا جوسپارلانعان كەزدەسۋدە نۇرسۇلتانوۆ مەكسيكالىق رامون اگۋناگامەن جۇدىرىقتاسىپ, جەكپە-جەكتىڭ ەكىنشى راۋندىندا قارسىلاسىن سۇلاتىپ سالدى. وسىلايشا, مەيىرىم كاسىپقوي بوكستاعى ونىنشى جەڭىسىنە قول جەتكىزدى.
ال اتالعان بوكس كەشىنىڭ باستى جەكپە-جەگىنە شىققان ماديار اشكەەۆ پۋەرتوريكالىق لۋيس ەرناندەسپەن كەزدەستى. ەكى بوكسشى دا جوسپارلانعان 10 راۋندتى تولىق جۇدىرىقتاسىپ, تورەشىلەردىڭ شەشىمى بويىنشا وتانداسىمىز ءبىراۋىزدان جەڭىسكە جەتتى. بۇل – مادياردىڭ كاسىپقوي بوكستاعى 11-ءشى جەڭىسى.
ءالي بيتورە,
«ەگەمەن قازاقستان»
