ماسەلەن, ايماقتاردىڭ بىرىندەگى اكك-دە 58 ملرد تەڭگەنى قۇرايتىن 17 جوبانىڭ بار بولعانى 5,7 پايىزى عانا اۋىل شارۋاشىلىعى جوبالارىنا تيەسىلى بولسا, 70 پايىزى قۇرىلىس سالاسىن قامتىعان. بۇل تۋرالى ماجىلىستە پالاتا توراعاسىنىڭ ورىنباسارى ۆلاديمير بوجكونىڭ قاتىسۋىمەن «اۋىلدىق جەرلەردە شاعىن جانە ورتا بيزنەستى دامىتۋدا الەۋمەتتىك-كاسىپكەرلىك كورپوراتسيالاردىڭ ءرولى تۋرالى جانە وسى نەگىزدە جوعارى ساپالى ازىق-ت ۇلىك ونىمدەرىن ءۇزىلىسسىز قامتاماسىز ەتۋ تۋرالى» تاقىرىبىندا وتكەن دوڭگەلەك ۇستەل وتىرىسىندا ايتىلدى.
وتىرىستا بايانداما جاساعان جانە جيىنعا توراعالىق ەتكەن ءماجىلىستىڭ اگرارلىق ماسەلەلەر كوميتەتىنىڭ توراعاسى ساپارحان وماروۆ الەۋمەتتىك-كاسىپكەرلىك كورپوراتسيالارىنىڭ جۇمىسىنا قاتىستى بىرقاتار كەمشىلىكتەرگە توقتالدى. ونىڭ ايتۋىنشا, تۇراقتاندىرۋ قورلارىن قالىپتاستىرۋ مەن پايدالانۋعا قاتىستى ۇزاق ۋاقىتتان بەرى شەشىمىن تاپپاي كەلە جاتقان ماسەلەلەر جەتكىلىكتى. ماسەلەن, تۇراقتاندىرۋ قورىندا ساقتالاتىن كوكونىستىڭ جارامدىلىق مەرزىمى شەكتەۋلى بولعاندىقتان, ءونىمنىڭ ب ۇلىنۋىنە بايلانىستى شىعىن قاۋپى بار. سونداي-اق بىرقاتار وڭىرلەردە ءونىم ساتىپ الۋعا بولىنگەن قاراجات ۋاقىتىندا پايدالانىلماي, كورپوراتسيالاردىڭ دەپوزيتتىك ەسەپشوتتارىندا جاتىپ قالعان.
– بىزدەگى مالىمەتتەرگە قاراعاندا, بىرنەشە وبلىستا تۇراقتاندىرۋ قورى قۇرىلماعان, بىرقاتارىندا شىعىندى دەپ ەسەپتەلگەندىكتەن اكك-دى تۇراقتاندىرۋ قورىن قالىپتاستىرۋ باعدارلاماسىنان شىعارۋ تۋرالى ۇسىنىستار بەرىلۋدە, – دەدى س.وماروۆ.
دەپۋتاتتىڭ پايىمداۋىنشا, اۋىلدىق ەلدى مەكەندەردەگى شاعىن جانە ورتا بيزنەس وكىلدەرىنە ءوندىرىس پەن وندىرىلگەن ءونىمدى ساتۋدا قيامەت-قايىم
ازايار ەمەس. ولاردىڭ كوممۋنالدىق بازارلارعا تىكەلەي شىعۋىنا دا تولىق جاعداي جاسالماعان. وسىنىڭ سالدارىنان ءوندىرۋشى مەن تۇتىنۋشىلار اراسىنداعى دەلدالداردىڭ ايى وڭىنان تۋىپ تۇر. وعان قوسا, اۋىلدىق بيزنەس وكىلدەرى كاسىبىنىڭ جوسپارىن جاساپ, كىرىس-شىعىسىن دۇرىس ەسەپتەۋگە قاۋقارسىز بولعاندىقتان, نەسيەلىك ۇيىمدارمەن بايلانىستارى شاتقاياقتاپ تۇر.
– شاعىن جانە ورتا بيزنەس تۇراقتى ازاماتتىق قوعامنىڭ نەگىزى جانە حالىقتىڭ ءال-اۋقاتى دا سوعان بايلانىستى بولماق. بۇل جونىندە ەلدىڭ باعدارلامالىق قۇجاتتارىندا جانە مەملەكەت باسشىسىنىڭ جولداۋلارىندا بىرنەشە رەت اتاپ كورسەتىلگەن, – دەدى كوميتەت توراعاسى.
تاقىرىپ بويىنشا بايانداما جاساعان ۇلتتىق ەكونوميكا ءمينيسترىنىڭ ورىنباسارى سەرىك جۇمانعارين ءوز سوزىندە ەلىمىزدە 17 اكك جۇمىس ىستەپ تۇرعانىن اتاپ ءوتتى. ونىڭ ايتۋىنشا, الەۋمەتتىك-كاسىپكەرلىك كورپوراتسيالار قۇرىلعاننان باستاپ (2007 جىلدان) جەكە سەكتورمەن سەرىكتەستىك اياسىندا 230 ينۆەستيتسيالىق جوبا جۇزەگە اسىرىلعان بولسا, ونىڭ 34,6 ملرد تەڭگەگە باعالانعان 68-ءى اۋىل شارۋاشىلىعى وندىرىسىنە تيەسىلى ەكەن. ال قازىرگى ۋاقىتتا كورپوراتسيالار قاراۋىندا اۋىل شارۋاشىلىعى ءوندىرىسى سالاسىنىڭ سوماسى 100 ملرد تەڭگەدەن اساتىن 29 جوباسى قارالىپ جاتىر.
وسىلاي بولا تۇرا, بىلتىر بارلىق الەۋمەتتىك-كاسىپكەرلىك كورپوراتسيالاردىڭ كىرىسى 32,7 ملرد, ال شىعىسى – 31,4 ملرد تەڭگەنى قۇراعان.
وتىرىستا ءسوز سويلەگەن «Astana» اكك» اق باسقارما توراعاسى نۇرلان جاقىپوۆ: – الەۋمەتتىك-كاسىپكەرلىك كورپوراتسيالاردىڭ باسىم بولىگىندە جەرگىلىكتى بيۋدجەتكە اعىمداعى اقشالاي قاراجاتتى قايتارۋ, بۇزىلعان ازىق-ت ۇلىكتى ەسەپتەن شىعارۋ, ۇستەمە شىعىننىڭ ورنىن تولتىرۋ سىندى پروبلەمالاردىڭ بولۋى جاسىرىن ەمەس. سوندىقتان كورپوراتسيالار تۇراقتاندىرۋ قورىنىڭ ماقساتتىلىعى تۋرالى ماسەلە كوتەرگەنى زاڭدى, – دەدى.
سونىمەن قاتار باسقارما توراعاسى زاڭ شىعارۋ دەڭگەيىندە قاراستىرىلىپ جاتقان «بيزنەس ورتانى دامىتۋ جانە ساۋدا قىزمەتىن رەتتەۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى جەرگىلىكتى اتقارۋشى بيلىككە تۇراقتاندىرۋ قورىنىڭ ەرەجەلەرىنە ءوز بەتىنشە وزگەرىستەر مەن تولىقتىرۋلار ەنگىزۋگە مۇمكىندىك بەرەتىنىن ايتتى.
دوڭگەلەك ۇستەل جۇمىسىنا پارلامەنت دەپۋتاتتارى, ۋاكىلەتتى مەملەكەتتىك ورگانداردىڭ جاۋاپتى قىزمەتكەرلەرى, «اتامەكەن» ۇلتتىق كاسىپكەرلەر پالاتاسىنىڭ, الەۋمەتتىك-كاسىپكەرلىك كورپوراتسيالاردىڭ جانە وبلىستاردىڭ, رەسپۋبليكالىق ماڭىزى بار قالالار مەن استانانىڭ اۋىل شارۋاشىلىعى باسقارمالارىنىڭ وكىلدەرى قاتىستى.
سەرىك ابدىبەك,
«ەگەمەن قازاقستان»
