قورىق قىزمەتكەرى الەكساندر انتونەنكو مۇنداعى جىلدىڭ ەڭ اسەم شاعى – قىس مەزگىلى ەكەنىن ايتادى. «قازىر باتىس التاي قورىعى تۇتاستاي قار استىندا جاتىر دەۋگە بولادى. قىسقى پەيزاجدى سوزبەن سۋرەتتەۋ قيىن. تاڭەرتەڭ ورمانعا كۇن شاپاعى تۇسكەندەگى كەز وزگەشە, كۇن باتار الدىنداعى شاقتاعى سۋرەت ءتىپتى بولەك. ال تۇك كورىنبەيتىن تۇندە ورمان ۇرەيگە تولى. مۇنداي ساتتەر ورماندا ءتورت اي بويى ساقتالادى. كوكتەم كەلگەنشە. بىراق قورىقتىڭ قىسقى كورىنىسىن ەكىنىڭ ءبىرى تاماشالاي المايدى. ويتكەنى, جول جوق. تەك ءبىزدىڭ ينسپەكتورلارىمىز عانا بارا الادى. سوندىقتان ءوزىمىز قورىقتىڭ قىسقى پەيزاجىن فوتوعا ءتۇسىرۋدى ءجون كوردىك», - دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى,
ريددەر قالاسى
