قۇرمەتتى ماراپاتتى سىرىم اۋدانىنىڭ اكىمى تولەگەن تورەعاليەۆ تابىس ەتكەن. باۋىرجان حاليوللاعا بۇل اتاق ۇزاق جىل ونەر مەن مادەنيەت سالاسىندا ەڭبەك ەتىپ, قول جەتكىزگەن تابىستارى جانە تۋعان جەردىڭ ابىروي-اتاعىن كۇللى قازاقستانعا تانىتىپ جۇرگەنى ءۇشىن بەرىلىپ وتىر.
بۇگىندە ورال قالاسىندا قادىر مىرزا ءالى اتىنداعى مادەنيەت جانە ونەر ورتالىعىنا باسشىلىق ەتەتىن باۋىرجان ەرگەن ۇلى 1979 جىلى سىرىم اۋدانىنىڭ قوسوبا اۋىلىندا تۋعان. قازاقستان جازۋشىلار جانە جۋرناليستەر وداعىنىڭ مۇشەسى باۋىرجان حاليوللا بىرنەشە جىر كىتابىنىڭ اۆتورى. سونداي-اق ءوزى دە تالاي رەسپۋبليكالىق ايتىستارعا قاتىسىپ, جۇلدەگەر اتانعان ول بۇگىندە حالىقارالىق ايتىس اقىندارى مەن جىرشى-تەرمەشىلەر وداعىنىڭ باتىس ايماعى بويىنشا توراعاسى قىزمەتىن اتقارىپ, وڭىردە حالىقتىق ونەردىڭ دامۋىنا قىزمەت ەتىپ كەلەدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
