ۇلى وتان سوعىسى كەزىندە اناسىمەن بىرگە ۋكراينادان ءبىزدىڭ ەلگە قونىس اۋدارعان ۆاديم پسارەۆ ءوزىنىڭ سوڭعى دەمى تاۋسىلعانشا قازاقستاندا تۇرىپ, كۇرەستىڭ وسى ءتۇرىنىڭ وركەندەۋىنە ولشەۋسىز ۇلەس قوستى. ونىڭ ەڭ ۇزدىك شاكىرتتەرى ءار جىلدارى مىناداي بەلەستەردى باعىندىردى:
ۆلاديمير باكۋلين – مەحيكو وليمپياداسىنىڭ كۇمىس جۇلدەگەرى (1968), الەم (1967) جانە ەۋروپا چەمپيونى (1966).
ۆالەري رەزانتسەۆ – وليمپيا ويىندارىنىڭ ەكى دۇركىن جەڭىمپازى (1972, 1972), الەمنىڭ بەس دۇركىن چەمپيونى (1970-1975), ەۋروپانىڭ ءۇش دۇركىن چەمپيونى (1970, 1973, 1974).
اناتولي نازارەنكو – ميۋنحەن وليمپياداسىنىڭ كۇمىس جۇلدەگەرى (1972), الەمنىڭ ءۇش (1970, 1974, 1975) جانە ەۋروپانىڭ ەكى (1972, 1974) دۇركىن چەمپيونى.
جاقسىلىق ۇشكەمپىروۆ – ماسكەۋ وليمپياداسىنىڭ جەڭىمپازى (1980), الەم چەمپيونى (1981) جانە ەۋروپا چەمپيوناتىنىڭ كۇمىس جۇلدەگەرى (1980).
ودان بولەك, ۆاديم پسارەۆ حالىقارالىق ارەنادا جاسىنداي جارقىراعان باسقا دا مىقتى بالۋانداردى تاربيەلەدى. ءار جىلدارى ول قازاقستان قۇراماسىنىڭ باس باپكەرى, كسرو قۇراماسىنىڭ جاتتىقتىرۋشىسى, بۇكىلوداقتىق دارەجەدەگى تورەشى قىزمەتتەرىن اتقاردى. 2014 جىلى ايتۋلى ازاماتتىڭ ەسىمى فيلا-نىڭ داڭق زالىنا ەڭگىزىلدى.
عالىم سۇلەيمەن,
«ەگەمەن قازاقستان»
الماتى
