فورۋمعا «يۋنەسكو»-نىڭ قازاقستانداعى ۆيتسە-پرەزيدەنتى عاني بيسەنباەۆ, تۇركىستان وبلىسى اۋىل جاستارى وداعىنىڭ ءتورايىمى سابيرا بايزاقوۆا, «سودرۋجەستۆو قىزىلوردا» قوعامدىق قورىنىڭ الەۋمەتتىك-كاسىپكەرلىكتى دامىتۋ جوباسىنىڭ جەتەكشىسى ازامات جاپپاسوۆ, «جاس پرودجەكت» جوباسىنىڭ قىزىلوردا وبلىسى بويىنشا كاردينانتى بايان ەگىزباەۆا جانە قىزىلوردا وبلىستىق جاستار ساياساتى باسقارماسىنىڭ باسشىسى قۋانىش جانۇزاقوۆ قاتىستى. سونىمەن قاتار فورۋمعا تۇركىستان وبلىسى جانە شيەلى اۋدانىنان دەلەگاتتار كەلدى.
فورۋمعا قاتىسقان اۋدان اكىمى عالىم امىرەەۆ جاستارعا الداعى جىلعا ساتتىلىك تىلەدى.
«2018 جىل اۋدان جاستارى ءۇشىن تابىستى جىل بولدى. اسىرەسە, كاسىپكەرلىك سالاسىنداعى جاستاردىڭ سانى ءوسىپ, جۇمىسسىزدىق دەڭگەيى ازايدى. بىلتىرعى جىلدىڭ قورىتىندىسىمەن جاڭاقورعاندا جاس كاسىپكەرلەردىڭ سانى 530-عا جەتتى. وتكەن جىلى 247 جاس جۇمىسپەن قامتىلدى. بيىلعى مەجە بۇدان دا بيىكتەن كورىنىپ, اۋداننىڭ وركەندەۋىنە ءوز ۇلەستەرىن قوسۋ كەرەك. ءبىز جاستارعا سەنەمىز, ويتكەنى, جاستار ءبىزدىڭ بولاشاعىمىز», – دەدى اۋدان اكىمى.
فورۋمعا قاتىسۋشى قوناقتار دا تىڭ جوبالارىمەن ءبولىسىپ, ءوز ويلارىن ورتاعا سالدى.
باقتيار تايجان,
«ەگەمەن قازاقستان»
قىزىلوردا وبلىسى
