اۋداندا اۋىلشارۋاشىلىق ونىمدەرىنىڭ جالپى كولەمى 122,1% وسكەن. مال شارۋاشىلىعى 2018 جىلى 1548,0 (2017 ج – 1385,6) ءوسىم – 11%. وسىمدىك شارۋاشىلىعى 606,5 (2017ج-522,1) ءوسىم - 16%, كورسەتىلگەن قىزمەت 6,4 (2017ج – 3,7) ءوسىم - 62% جانە ورمان جانە بالىق شارۋاشىلىعى - 173,4.نەگىزگى كاپيتالعا سالىنار ينۆەستيتسيا كولەمى 2018 جىلدىڭ قاڭتار – قاراشا ايلارىندا 137 ملرد 883 ملن تەڭگەنى قۇرادى. ال, جالپى, اۋدان نەگىزگى كاپيتالعا سالىنار ينۆەستيتسيا كولەمى بويىنشا وبلىستىڭ 30% قۇراپ وتىر.
سونداي-اق قاراقيا اۋدانى بويىنشا 2018 جىلى 2925 جاڭا جۇمىس ورىندارىن قۇرۋ جوسپارلاندى. قازىرگى تاڭدا 2978 جاڭا جۇمىس ورنى قۇرىلدى, ياعني جوسپاردىڭ 101,8 پايىزىن قۇرادى. ونىڭ 2624-ءى (89,7%) تۇراقتى جۇمىس ورىندارى, 335-ءى (11,5%) ۋاقىتشا جۇمىس ورىندارى. بۇل كورسەتكىش تولىقتاي ورىندالدى.
اتاپ ايتقاندا, 204 ادام تۇراقتى جۇمىسقا, 8 ادام الەۋمەتتىك جۇمىس ورىندارىنا, 21 ادام جاستار پراكتيكاسىنا, 31 ادام قوعامدىق جۇمىستارعا, 28 ادام قىسقا مەرزىمدى كاسىپتىك وقىتۋعا, 10 ادام «باستاۋ-بيزنەس» كاسىپكەرلىك نەگىزدەرىنە وقىتۋعا جولداندى جانە 2 ادام شاعىن نەسيە الدى.
جالپى جۇمىسسىزدىق دەڭگەيى 3,4% (وبلىس بويىنشا 4,8) (بەلسەندى حالىققا شاققاندا), جاستار جۇمىسسىزدىعى 2,4% (وبلىس بويىنشا 3,1).
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
