ەلباسى جولداۋدا وسى باعىتتاعى ماسەلەنىڭ شەشۋ جولدارىن كورسەتە كەلە, «ۇكىمەتكە جانە اكىمدەرگە كەم دەگەندە 100 دەنە شىنىقتىرۋ-ساۋىقتىرۋ كەشەنىن سالۋدى تاپسىرامىن. سونداي-اق, قولدانىستاعى, اسىرەسە, مەكتەپتەردەگى سپورت عيماراتتارىن ءتيىمدى پايدالانىپ, دەنە شىنىقتىرۋمەن اينالىسۋ ءۇشىن اۋلالاردى, پاركتەردى, ساياباقتاردى جابدىقتاۋ قاجەت» دەگەن بولاتىن. قازىر وڭىرلەردە جولداۋ جۇكتەگەن مىندەتتەر اياسىندا قىزۋ جۇمىس قولعا الىنعان. وسى باعىتتا الماتى وبلىسىندا ناقتى ءىس بار. اسىرەسە, ايماقتا مەملەكەت پەن جەكەمەنشىك اراسىنداعى ارىپتەستىكتى جۇزەگە اسىرۋ جۇمىستارى ناتيجەلى بولىپ وتىر. جالپى, 2018-2019 جىل ارالىعىندا قۇنى 50,5 ملرد تەڭگە بولاتىن جۇمىستى يگەرۋگە جوسپار قۇرىلىپتى. ياعني, بىلتىر مەن بيىلدى قوسقاندا ايماقتا وسى قارجىعا 31 نىسان سالىنىپ, قولدانىسقا بەرىلۋى ءتيىس.
ەكى جاقتى ارىپتەستىكتىڭ ناقتى مىسالىن ايماقتاعى بۇقارالىق سپورتتى دامىتۋعا ارنالعان دەنە شىنىقتىرۋ-ساۋىقتىرۋ ورتالىقتارىنىنىڭ كوپتەپ سالىنۋىنان كورۋگە بولادى. قازىرگى كۇنى وڭىردە 3 مىڭنان استام سپورتسۇيەر قاۋىمعا ارنالعان جاتتىعۋ زالى مەن جاسوسپىرىمدەر ءۇشىن 37 سپورت مەكتەبى اشىلعان. قىزمەت كورسەتۋدە. بۇل نىسانداردىڭ جارتىسىنان استامى جەكەمەنشىك سەكتوردىڭ قاتىسۋىمەن جۇزەگە اسىپ وتىر.
وتكەن جىلدار اۋقىمىندا وبلىستىڭ جامبىل, ەڭبەكشىقازاق, كەربۇلاق جانە الاكول اۋداندارىنداعى 4 دەنە شىنىقتىرۋ-ساۋىقتىرۋ كەشەنىنىڭ قۇرىلىسى تولىقتاي اياقتالعان بولاتىن. ال قاراساي اۋدانىنىڭ قاسكەلەڭ قالاسى مەن شامالعان اۋىلىندا, اقسۋ اۋدانىنىڭ جانسۇگىروۆ كەنتىندە ءدال وسىنداي امبەباپ سپورت كەشەنىنىڭ قۇرىلىسى قىزۋ جالپى, وڭىردە 2019-2021 جىل ارالىعىندا الاكول اۋدانى دوستىق اۋىلىندا, ەسكەلدى اۋدانىنىڭ قارابۇلاق كەنتىندە, رايىمبەك اۋدانىنىڭ نارىنقول اۋىلىندا, بالقاش اۋدانىنىڭ باقاناس اۋىلىندا, ىلە اۋدانىنىڭ بايسەركە اۋىلىندا, كوكسۋ اۋدانىنىڭ بالپىق بي اۋىلىندا زامانعا ساي دەنە شىنىقتىرۋ-ساۋىقتىرۋ كەشەندەرى مەملەكەتتىك-جەكەشەلىك ارىپتەستىك اياسىندا سالىنىپ, قولدانىسقا بەرىلەتىن جونىندە كەلىسىمدەر جاسالعان.
- ەلباسى جولداۋىنىڭ اياسىندا ەلىمىزدە كەمىندە 100 دەنە شىنىقتىرۋ-ساۋىقتىرۋ كەشەنىن سالۋ تۋرالى تاپسىرما بەرىلگەنى بەلگىلى. سوعان سايكەس وبلىستا 6 دەنە شىنىقتىرۋ-ساۋىقتىرۋ كەشەنى سالىندى. 2018 جىلى 7 كەشەننىڭ قۇرىلىسى قولعا الىندى. ولاردىڭ ۇشەۋى – مەملەكەتتىك-جەكەمەنشىك ارىپتەستىك نەگىزىندە باستالسا, قالعان بەسەۋىنىڭ جوبالىق-سمەتالىق قۇجاتتارى دايىندالۋدا. بۇل تەك تۇرعىنداردىڭ سالاماتى ءومىر سالتىن ۇستانۋعا وراي جاعداي جاساۋعا نەگىزدەلگەن قادام. وسى رەتتە مەملەكەتتىك-جەكەمەنشىك ارىپتەستىك تەتىكتەرىنىڭ كومەگىمەن ءبىلىم جانە دەنساۋلىق سالالارىنىڭ بىرقاتار ماسەلەسىن شەشىپ كەلە جاتقانىمىزدى دا ايتقىم كەلەدى. ناتيجەسىندە, تالدىقورعاندا رەسپۋبليكادا تۇڭعىش رەت قاتەرلى ىسىك اۋرۋلارىن ەرتە كەزەڭنەن انىقتاۋ ورتالىعىن اشتىق. جاقىندا عانا وبلىستا پوزيتروندى ەميسسيالىق توموگرافيا ورتالىعىن جاڭعىرتۋ مەن ىسكە قوسۋ جوباسىن جۇزەگە اسىردىق, - دەيدى تاقىرىپقا وراي پىكىر بىلدىرگەن الماتى وبلىسىنىڭ اكىمى اماندىق باتالوۆ.
جالپى, جەكەمەنشىك سەكتوردىڭ قاتىسۋىمەن اشىلعان سپورتتىق نىساندار جەرگىلىكتى تۇرعىنداردىڭ سالاماتتى ءومىر سالتىن ۇستانۋىنا جول اشاتىنى انىق. اسىرەسە, اۋىلدىق وڭىردەگى ورتالىقتاردىڭ جاستار ءۇشىن بەرەرى مول. ءارى مۇنداي دەنە شىنىقتىرۋ ورتالىقتارىندا ۇلكەن قالالارداعى سياقتى جاتتىعۋعا قاجەتتى سپورت ينۆەنتارلارىنىڭ دەرلىگى قويىلعان ەكەن. مىسالعا, بىلتىر الاكول اۋدانى ءۇشارال قالاسىندا «تارلان» اتتى امبەباپ دەنە شىنىقتىرۋ – ساۋىقتىرۋ كەشەنى اشىلدى. وسى وڭىردەن شىققان بەلگىلى مەملەكەت قايراتكەرى ساۋات مىڭباەۆتىڭ جەككە قارجىسىنا سالىنعان جاڭا سپورت كەشەنىندە بوكس, كۇرەس, دزيۋدو, تاەكۆوندو, اۋىر اتلەتيكامەن اينالىسۋعا جانە فۋتبول ويناۋعا بارلىق مۇمكىندىكتەر قاراستىرىلعان. ءتۇرلى سپورت جاتتىعۋلارىنا بەيىمدەلگەن زالداردان بولەك, جاتتىقتىرۋشىلار مەن دارىگەرلەر بولمەسى, كيىم اۋىستىرۋ جانە جۋىنۋ بولمەلەرى دە بار. فۋتبول الاڭى مەن «Street workout» الاڭقايى دا كەشەنگە جاپسارلاسا سالىنعان ەكەن. وسى دەنە شىنىقتىرۋ – ساۋىقتىرۋ كەشەنىنىڭ قۇرىلىسىنا ينۆەستور 500 ملن تەڭگە بولگەن كورىنەدى.
ءدال وسىنداي ورتالىق جاقىندا تالعار قالاسىندا دا اشىلعان بولاتىن. سپورتتىڭ جەكپە-جەك جانە جاۋىنگەرلىك جاتتىعۋ تۇرلەرىنە ارنالعان 180 ورىندىق دەنە شىنىقتىرۋ-ساۋىقتىرۋ امبەباپ كەشەنىن اياسىندا تالعار اۋدانىنىڭ «المالى» بالالار مەن جاسوسپىرىمدەر سپورت مەكتەبى دە جۇمىسىن باستادى. كەشەن اۋماعىندا ترەناجەرلىق, ويىن, كۇرەس, بوكس جانە جاتتىعۋ زالدارىنان بولەك, ۆولەيبول, باسكەتبول, فۋتبول سپورتتىق الاڭدارى مەن 400 ورىندىق كورەرمەن تريبۋناسى ورنالاسقان.ال «المالى» بالالار مەن جاسوسپىرىمدەر سپورت مەكتەبى بالالاردى سپورتتىڭ 15 تۇرىنە باۋليدى. مۇندا بوكس, باسكەتبول, ۆولەيبول, گرەك-ريم جانە ەركىن كۇرەس, قازاقشا كۇرەس, جەڭىل اتلەتيكا, فۋتبول, گاندبول, تاەكۆوندو, كاراتە-دو, سامبو, جەكپە-جەك, ساداق اتۋعا جاتتىعۋ ءۇشىن قاجەت جاعداي جاسالعان. قازىرگى مەكتەپكە 915 وقۋشى سپورتپەن اينالىسۋعا نيەت ءبىلدىرىپ, جازىلىپتى.
- ەلباسى حالىققا جولداعان جولداۋىندا ءجۇز سپورتتىق كەشەن سالۋدى قاداپ ايتقان ەدى. مىنە, سونىڭ دالەلى رەتىندە وبلىستا اۋقىمدى ءىس اتقارىلۋدا. ماسەلەن, تالعار, پانفيلوۆ, الاكول, قاراساي, ەڭبەكشىقازاق, جامبىل اۋدانىندا دەنە شىنىقتىرۋ جانە ساۋىقتىرۋ كەشەندەرى اشىلىپ, جاستارىمىز سپورتتىڭ بىرنەشە تۇرىمەن شۇعىلدانىپ جاتىر. ال اقسۋ, كەگەن, قاراساي اۋدانى, رايىمبەك اۋىلىندا ساۋىقتىرۋ كەشەندەرىنىڭ قۇرلىسى اياقتالىپ, بيىل پايدالانۋعا بەرىلەدى. كەلەر جىلى تالدىقورعان قالاسىندا جەڭىل اتلەتيكالىق مانەج, ءجۇزۋ باسسەيىنى جانە ورتالىق ستاديونعا كۇردەلى جوندەۋ مەن قاپشاعاي قالاسىندا دەنە شىنىقتىرۋ كەشەنىنىڭ قۇرىلىسى باستالادى. مۇنىڭ سىرتىندا جەرگىلىكتى بيۋدجەتتەن جەكە ازاماتتاردىڭ قولداۋىمەن سالىنىپ جاتقان جاتتىعۋ زالدارى كوپ. جاقسىلىق ۇشكەمپىروۆ اعامىزدىڭ ەلباسىنىڭ الدىندا ايتقان ءسوزى كوپتەگەن ازاماتتارعا تۇرتكى بولىپ, وسىنداي يگىلىكتى ىسكە قول ۇشىن سوزىپ جاتىر. مۇنىمەن توقتاپ قالمايمىز. سالاۋاتتى ءومىر سالتىن ناسيحاتتاۋدا, حالىقتىڭ 30 پايىزىن سپورتقا تارتۋ ماسەلەسى بويىنشا كوپتەگەن ءىستى اتقارامىز. سونداي-اق, ۇلكەن سپورتقا دا ءمان بەرىپ, الەمدىك ارەناداعى قازاقستاننىڭ ابىرويىن اسقاقتاتۋعا بار كۇشىمىزدى سالامىز. ونداي ءىرى ناتيجە بۇگىنگى وڭىرلەردە بوي كوتەرگەن سپورت كەشەندەرىنەن باستاۋ الادى. دەنە شىنىقتىرۋ جانە ساۋىقتىرۋ كەشەندەرى اۋىل مەن الەم سپورتىنىڭ اراسىن جالعايتىن التىن كوپىر ىسپەتتى, - دەيدى تاقىرىپقا وراي ءتۇيىندى سوزىندە الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزباەۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى
