ولاردىڭ ايتۋىنشا, باعا ازىق-ت ۇلىك تاۋارلارىنا وتكەن ايدا 1,6%, ازىق-ت ۇلىك ەمەس تاۋارلارىنا - 1%, اقىلى قىزمەتتەرگە - 0,2%-عا جوعارىلاعان ەكەن.
ازىق-ت ۇلىك تاۋارلار توبىندا باعانىڭ جوعارىلاۋى جاڭا جينالعان كوكونىستەرگە - 27,5%, جۇمىرتقاعا - 7,1%, شيكى سۇتكە - 4,7%, قۇس ەتىنە - 3,9%, بالىق جانە تەڭىز ونىمدەرىنە - 1,9%, جاڭا جينالعان جەمىستەرگە - 1,8%, ماي جانە توڭ مايعا - 0,4%-عا بايقالدى. باعانىڭ تومەندەۋى قانتقا 0,8%-عا تىركەلدى.
ازىق-ت ۇلىك ەمەس تاۋارلار توبىندا باعانىڭ ءوسىمى تۇرمىستىق توقىما بۇيىمدارعا - 3,2%, ويىندار, ويىنشىقتارعا - 2,3%, كيىم جانە اياق كيىمدەرگە - 1,4%, جيھاز جانە ءۇي تۇرمىسىنا قاجەتتى زاتتارعا - 1,2%-عا تىركەلدى. ديزەل وتىنى - 12,4%, بەنزين - 0,2%-عا قىمباتتاعان.
اقىلى قىزمەت كورسەتۋ توبىندا ساعات پەن زەرگەرلىك بۇيىمداردى جوندەۋگە - 4,6%, جولاۋشىلاردىڭ اۋە كولىگىنە - 3,5%, مەيرامحانالار مەن قوناق ۇيلەرگە - 1,5%, ساياحاتتار مەن دەمالىس ۇيلەرىنە جولدامالارعا - 0,9%, دەمالىس, ويىن-ساۋىق جانە مادەنيەت سالاسىنداعى قىزمەتتەرگە - 0,4%-عا ءوستى. باعانىڭ تومەندەۋى جولاۋشىلار تەمىر جول كولىگىنە - 4,8%-عا تىركەلگەن.
بۇل تەك قىزىلوردا وبلىسىندا عانا ەمەس رەسپۋبليكامىزدىڭ باسقا وڭىرلەرىندە دە باعا نارقى وسىلايشا قۇبىلىپ تۇر.
دۇنيەجۇزىلىك نارىقتا دا وسىنداي جاعدايلار بايقالادى. قازاقتا «تارتا جەسەڭ تاي قالادى, قويا جەسەڭ قوي قالادى» دەگەن قاناتتى ءسوز بار. ساراپشىلار قازىر تۇرعىنداردىڭ ۇنەمشىلدىككە كوشكەندىگىن ايتىپ ءجۇر.
باقتيار تايجان,
«ەگەمەن قازاقستان»
قىزىلوردا وبلىسى
