وبلىس ورتالىعى مەن ونىڭ ماڭىنداعى ەلدى مەكەندەردىڭ تۇرعىندارىنىڭ جەر كەزەگىنە تىركەلگەنى ەلەكتروندى جۋرنالدا ساقتالىپ قالىپتى, سونىڭ ارقاسىندا بارلىق جويىلعان تىزىمدەر قالپىنا كەلتىرىلدى. اتىراۋ قالاسى اكىمدىگىنىڭ ءباسپاسوز قىزمەتى بەرگەن مالىمەتكە سۇيەنسەك, وتكەن جىلدىڭ سوڭىندا وسى ماسەلەگە بايلانىستى ارنايى كوميسسيا قۇرىلعان.
- كوميسسيا وتىرىسىندا بالىقشى اۋىلدىق وكرۋگىنىڭ 229 تۇرعىنىنىڭ كونستيتۋتسيالىق قۇقىعىن قالپىنا كەلتىرۋ تۋرالى شەشىم قابىلداندى. جەر كەزەگىنە تىركەلگەندەر www.atyrau.gov.kz سايتىنداعى ارنايى بولىمگە كىرىپ, جسن ەنگىزۋ ارقىلى كەزەكتەرىن انىقتاي الادى,-دەيدى قالالىق جەر قاتىناستارى ءبولىمىنىڭ باسشىسى ناۋرىزبەك قۇماروۆ.
«تسيفرلى قازاقستان» مەملەكەتتىك باعدارلاماسى اياسىندا اتىراۋ قالاسىنىڭ جانە ونىڭ ماڭىنداعى اۋىلداردىڭ 86 مىڭ تۇرعىنى جەر تەلىمىن الۋ كەزەگىن ينتەرنەت ارقىلى بىلۋلەرىنە بولادى. وتكەن جىلى اتىراۋ قالاسى اكىمدىگى 2003-2004 جىلدارى ءوتىنىم تاپسىرعان 480 ادامعا جەر تەلىمىن بەردى. «نۇرلى جەر» باعدارلاماسى بويىنشا 241 ءوتىنىم تۇسكەن. ناۋرىزبەك قۇماروۆ جەر تەلىمى قاتاڭ تارتىپپەن بەرىلەتىنىن ايتادى.
باقىتگۇل باباش,
«ەگەمەن قازاقستان»
اتىراۋ وبلىسى
