بيزنەسپەن اينالىسۋ تۋرالى وي داۋلەتكە ءوزىنىڭ ءومىرى ويلاماعان جەردەن وزگەرگەندە عانا كەلدى. جۇرگىزۋشى بولىپ جۇمىس ىستەيتىن ول مۇگەدەك بولىپ قالعان سوڭ, ۇيدە قاراپ وتىرۋ اۋىر تيەتىنىن سەزىندى.
«مەن سەكىلدى پ توپتاعى مۇگەدەك جانعا بانكتەردىڭ نەسيە بەرە قويۋى قيىن. ال «باستاۋ» باعدارلاماسىنىڭ كۋرسى ماعان كاسىپكەرلىكتىڭ الىپپەسىن عانا ۇيرەتىپ قويعان جوق, گرانت الۋعا دا مۇمكىندىك بەردى. مەنىڭ جاساعان جوبامدى 240500 تەڭگەگە باعالادى» دەيدى داۋلەت.
ول جابدىقتى الماتى قالاسىنان الىپ كەلدى. مال شارۋاشىلىعى اۋداندا دامىعان. سۇرلەيتىن ەت جاقىننان تابىلادى. ول الداعى ۋاقىتتا جابىق تسيكلدى ءوندىرىس ۇيىمداستىرعىسى كەلەدى.
«كوكتەمدە 50 قازدىڭ بالاپانىن ساتىپ الامىن. سۇرلەنگەن قاز ەتى - وتە جەڭسىك اس. ارى قاراي ۋاقىت كورسەتەدى. نەگىزى, تەك قازدىڭ ەتى عانا ەمەس, جال, جايا, شوشقا مايى, بارلىعى دا جاقسى سۇرلەنەدى. ءسۇر ەتتىڭ ءدامدى اس ەكەنىن حالقىمىز جاقسى بىلەدى. سوسىن ونى كىم ءسۇيسىنىپ جەمەيدى دەيسىز, شىركىن (جىميادى)؟ قولىمىز جۇرگەننەن كەيىن ءونىم تۇرلەرىن كوبەيتەمىز» دەيدى داۋلەت.
بولاشاق كاسىپكەر ءونىمىن وتكىزۋدىڭ دە قيىندىعى بولا قويماس دەپ بىلەدى. ويتكەنى اۋداندا مۇنداي ءونىم ءتۇرىن وندىرەتىن بالاما تسەح ءالى جوق. ەڭ باستىسى, داۋلەت سۇرلەۋگە ەشقانداي «حيميا» قولدانبايتىن بولادى, تازا ەكولوگيالىق ءونىم ۇسىنادى.
ءنازيرا جارىمبەت,
«ەگەمەن قازاقستان»
قوستاناي
