تاراپتار 2019 جىلدا وتكىزۋگە جوسپارلانعان تۇركىتانۋشىلاردىڭ دۇنيەجۇزىلىك كونگرەسىنە دايىندىق جۇمىستارىنىڭ بارىسىن تالقىعا سالدى.
سۇحبات بارىسىندا ايقىندالعانداي, تۇركىتانۋشىلاردىڭ دۇنيەجۇزىلىك كونگرەسى بارشا تۇركى الەمىنە ماڭىزى زور وقيعا بولىپ, دۇنيەجۇزىلىك تۇركىتانۋدىڭ قايتا وركەندەۋىنە جانە وسى عىلىمنىڭ اعىمداعى كۇيىن, جەتىستىكتەرىن, ماسەلەلەرى مەن پەرسپەكتيۆالارى تەرەڭ ساراپتالىپ, جاڭا كوزقاراستان وتكىزۋگە وراسان زور ىقپال ەتەدى.
ب. اتامقۇلوۆ تۇركى ىنتىماقتاستىعىنىڭ دامۋى جاڭا ءبىر كەزەڭىندە ءوتىپ جاتقانىن جانە مەملەكەت باسشىسى تۇركى ينتەگراتسياسىنا وتە ماڭىزدى ءمان بەرەتىنىن اتاپ ءوتتى. «تۇركى حالىقتارىنىڭ اراسىندا باۋىرلاس قاتىناستاردى نىعايتۋ مەن تۇركىتانۋ عىلىمىن تۇركى وركەنيەتىنىڭ جەتەكشىسى رەتىندە دامىتۋ, سونداي-اق پرەزيدەنت نۇرسۇلتان نازارباەۆتىڭ « ۇلى دالانىڭ جەتى قىرى» اتتى باعدارلامالىق ماقالاسىندا بەكىتىلگەن قاعيداتتاردى جۇزەگە اسىرۋ قاجەتتىلىكتەرىن ەسكەرە كەلە, مينيسترلىك وسى سۇراقتارعا زور نازارىن اۋداراتىنىن جانە جوسپارلانعان ءىس-شارالاردى ۇيىمداستىرۋ مەن وتكىزۋدە جان-جاقتى قولعابىس كورسەتەدى» - دەپ سەندىردى مينيستر.
د. قىدىرالى سىرتقى ىستەر مينيسترلىگى تاراپىنان اكادەميا قىزمەتىنە كورسەتىلەتىن قولعابىس ءۇشىن زور العىسىن ءبىلدىردى. كەزدەسۋ شەڭبەرىندە ول 2019 جىلدىڭ ورتاسىندا يۋنەسكو شتاب-پاتەرىندە (پاريج ق.) تۇركى اكادەمياسىنا مۇشە-مەملەكەتتەر عالىمدارىنىڭ قاتىسۋىمەن وتەتىن « ۇلى دالا: مادەني مۇرا مەن دۇنيەجۇزىلىك تاريحىنداعى ءرولى» اتتى ءىس-شارا جونىندە اقپارات بەردى.
تۇركى اكادەمياسى - قوعامدىق-گۋمانيتارلىق عىلىمدار سالاسى بويىنشا دۇنيەجۇزىلىك دەڭگەيدە كەشەندى تۇركولوگيالىق زەرتتەۋلەردى جۇيەلى تۇردە جۇرگىزىپ وتىرعان عىلىمي ورتالىق جانە قازىرگى زامانعى مەملەكەتارالىق جانە ەتنوسارالىق ينتەگراتسيا جاعدايىندا تۇركىتانۋ عىلىمىنىڭ بىردەن-ءبىر ۇيلەستىرۋشىسى. شتاب-پاتەرى استانا قالاسىندا ورنالاسقان.
