ل. بيۋرابەكوۆانىڭ ايتۋىنشا, «كەيبىر زاڭنامالىق اكتىلەرىنە دارىلىك زاتتار مەن مەديتسينالىق بۇيىمداردىڭ اينالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» قازاقستان حالقىنا جولداۋىنا سايكەس اازىرلەنگەن جانە بارلىق ءدارى-دارمەكتەردىڭ باعاسىن رەتتەۋگە باعىتتالعان.
«زاڭ جوباسى جاريالانعاننان كەيىن ءۇش اي ۋاقىت وتكەن سوڭ كۇشىنە ەنگەن كەزدەن باستاپ شەكتى كوتەرمە جانە شەكتى بولشەك ساتىلىم باعالارىن انىقتاۋ ءراسىمى باستالادى, كوتەرمە ديستريبيۋتورلارعا جانە بولشەك ساۋدادا وسى انىقتالعان شەكتى باعالاردان اسىرىپ ءدارى-دارمەكتەردى ساتۋعا تىيىم سالىنادى», دەدى ليۋدميلا بيۋرابەكوۆا.
ءدارى-دارمەكتەردىڭ باعالارىن مەملەكەتتىك رەتتەۋدى ەنگىزۋ وڭىرگە قاراماستان, كوتەرمە جانە بولشەك سەگمەنتتە ءدارى-دارمەكتەردىڭ بىرىڭعاي باعاسىن قالىپتاستىرۋ مەحانيزمىن قامتاماسىز ەتۋدى كوزدەيدى. سونداي-اق, حالىق ءۇشىن ءدارى-دارمەكتەردىڭ ەكونوميكالىق قولجەتىمدىلىگىن ارتتىرىپ, فارماتسەۆتيكالىق نارىق قاتىسۋشىلارىنىڭ, ياعني ءدارى-دارمەكتەردى وندىرۋشىلەر, كوتەرمە جانە بولشەك ساۋدا ۇيىمدارىنىڭ جاۋاپكەرشىلىگىن ارتتىرۋعا باعىتتالعان.
فارماتسيا كوميتەتىنىڭ ءتورايىمى ءدارى-دارمەكتەر باعالارىن قالىپتاستىرۋداعى جوسپارلى وزگەرىستەر باعانى رەتتەۋدىڭ 4 دەڭگەيىن: ءوندىرۋشى, كوتەرمە ساۋدا, بولشەك ساۋدا مەن مىندەتتى الەۋمەتتىك مەديتسينالىق ساقتاندىرۋ جۇيەسى جانە تەگىن مەديتسينالىق كومەكتىڭ كەپىلدىك بەرىلگەن كولەمى اياسىنداعى ساتىپ الۋ دەڭگەيلەرىن قامتيتىنىن اتاپ ءوتتى.
«باعالاردى رەتتەۋدىڭ ءتورت دەڭگەيى ءوندىرۋشىنىڭ باعانى بەلگىلەۋىنە تىكەلەي قاتىستى, دەگەنمەن ولار تەك قازاقستان رەسپۋبليكاسىندا تىركەلگەن ءدارى-دارمەكتەرگە عانا قاتىستى. بۇدان ءارى ۇستەمە باعانى ەسكەرە وتىرىپ شەكتى كوتەرمە جانە شەكتى بولشەك باعا بەكىتىلەدى. سونىمەن قاتار, ەرەجەلەر تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا جانە مىندەتتى الەۋمەتتىك مەديتسينالىق ساقتاندىرۋ جۇيەسىندە دارىلىك زاتتاردى ساتىپ الۋعا باعالاردى بەلگىلەۋدى رەتتەيتىن بولادى», دەدى ل. بيۋرابەكوۆا.
بۇعان قوسا, قىمبات تۇراتىن ءدارى-دارمەكتەردىڭ باعالارى دا رەتتەلەدى.
ل. بيۋرابەكوۆا باعالاردى رەتتەۋ ءدارى-دارمەكتەردىڭ ساپاسىنا اسەر ەتپەيتىنىنە نازار اۋداردى.
«باعا مەن ساپا – ءدارى-دارمەكپەن قامتاماسىز ەتۋدە ۇنەمى ەسكەرىلەتىن ەكى كريتەري. بىزدە ساپاعا ساراپتامالىق ۇيىم – ءدارى-دارمەكتەردى ساراپتاۋدىڭ ۇلتتىق ورتالىعى جاۋاپتى. تىركەۋ جۇرگىزىلىپ جاتقان كەزدە كومپانيا ءدارىنىڭ ساپاسىن راستايتىن قۇجاتتار پاكەتىن ۇسىنادى. ەگەر ءدارى-دارمەك قازاقستان رەسپۋبليكاسىنىڭ اۋماعىندا تىركەلگەن بولسا, وندا ونىڭ قاۋىپسىزدىگى مەن ساپاسى دالەلدەنگەن. سايكەسىنشە, باعالاردى رەتتەۋ دارىلەردىڭ ساپاسىنا ەشقالاي دا اسەر ەتپەيدى. وزگەرىستەر شەكتەۋلىلىك تۇرىندە بايقالادى, ءبىز بۇيرىقپەن بەكىتەتىن ايىرما مەن ۇستەمە باعانى جۇرتشىلىقپەن جانە قاۋىمداستىقتارمەن بەلسەندى تۇردە تالقىلادىق. اتالعان باعاعا ەشكىم قارسى ەمەس سەكىلدى. قانداي دا ءبىر ءدارى-دارمەك نارىقتان شىعىپ قالمايدى دەپ ويلايمىز», دەدى فارماتسيا كوميتەتىنىڭ ءتورايىمى.
ايتا كەتەرلىك جايت, ەلىمىزدىڭ بارلىق وڭىرلەرىندە ءدارى-دارمەكتەردىڭ باعالارى بىردەي بولماق.
ء«دارىحانالاردىڭ اۋىلدىق نەمەسە قالالىق ەكەنىنە قاراماستان, باعالار بۇيرىقپەن بەكىتىلىپ, قر بارلىق اۋماعىندا بىردەي باعامەن ساتىلاتىن بولادى», دەدى ل. بيۋرابەكوۆا.
