«بىرىنشىدەن, ماگيستراتۋراعا گرانتتار كەلەسى جىلدان باستاپ ۇمىتكەرلەردىڭ بىرىڭعاي ەمتيحانىنىڭ قورىتىندىسى بويىنشا بولىنەتىن بولادى. ەگەر وسىعان دەيىن ماگيستراتۋراعا گرانتتار جوو بەرىلىپ, ولار وزدەرى تاپسىرما دايىنداعان, وزدەرى ەمتيحان وتكىزىپ, ءتۇسۋ تۋرالى شەشىمدى وزدەرى قابىلداعان ەدى. ەندى GMAT فورماتى بويىنشا بىرىڭعاي ەمتيحان بولادى. ياعني, ۇمىتكەرلەرگە ۇلتتىق تەستىلەۋ ورتالىعى وتكىزەتىن كەشەندىك تەستىلەۋدەن ءوتۋ كەرەك», - دەدى اسحات ايماعامبەتوۆ.
ۆيتسە-ءمينيستردىڭ ايتۋىنشا, جاڭادان ەنگىزىلگەن وزگەرىستەر گرانتتاردى ءبولۋدىڭ ادىلەتتى جۇزەگە اسۋىن قامتاماسىز ەتىپ قانا قويماي, وقۋ ورىندارىنىڭ اراسىنداعى باسەكەلەستىكتى كۇشەيتەدى.
«وسىلايشا, «گرانت ماگيسترانتتىڭ سوڭىنان ەرەدى» دەگەن قاعيدا جۇزەگە اسىرىلادى. بۇل جوو باسەكەلەستىگىن ارتتىرىپ, ءسوزسىز گرانتتاردىڭ اشىق جانە ءادىل تاراتىلۋىنا سەپتىگىن تيگىزەدى. ماگيستراتۋراعا تۇسۋشىلەرگە دايىندىق باعىتىنىڭ شەڭبەرىندەگى ناقتى ءبىلىم بەرۋ باعدارلامالارىنىڭ توبىن كورسەتۋ قاجەت. ۇمىتكەرلەر شەت ءتىلىن تاپسىرادى (وسىعان دەيىن دە سولاي بولعان), سونداي-اق ءبىلىم الۋعا دايىندىعى بويىنشا جانە 2 سالالىق پاندەر بويىنشا تەستىلەر تاپسىرادى», - دەپ جازادى ول.
سونىمەن قاتار دوكتورانتۋراعا ءتۇسۋ ەرەجەلەرىنە دە بىرقاتار وزگەرىستەر ەنگەن.
«وقۋعا ءتۇسۋشى دوكتورانتۋرانىڭ سالالىق ءپانى بويىنشا قاي جوو-نا تۇسسە, سول جەردە, سول ۋنيۆەرسيتەتتە ەمتيحان تاپسىرادى, سونىمەن قاتار شەت ءتىلىن بىلەتىنىن راستايتىن سەرتيفيكات ۇسىنادى. مۇنداعى باستى وزگەرىس - ەندى دوكتورانتۋراعا ءتۇسۋ ءۇشىن حالىقارالىق سەرتيفيكات (سايكەسىنشە, IELTS, TOEFL جانە ت.ب.) تالاپ ەتىلەتىنىندە. شەت ءتىلى بويىنشا تەستىلەۋ دوكتورانتۋرا بويىنشا ەندى ۇلتتىق تەستىلەۋ ورتالىعى ارقىلى وتكىزىلمەيدى. سوندىقتان دوكتورانتۋراعا تۇسەمىن دەپ نيەت بىلدىرۋشىلەر وسى باعىت بويىنشا دايىندالۋلارى ءتيىس», - دەيدى اسحات ايماعامبەتوۆ.
