ۇيىمداستىرۋشىلاردىڭ ايتۋىنشا, الماتى وبلىسىنداعى از قامتىلعان وتباسىلاردان شىققان بالالارعا ارنالعان №15 مەكتەپ-ينتەرناتى, «كيروۆ» قىزىل تۋ كرەيسەرىنىڭ جاس اسكەريلەرىنىڭ اسكەري-پاتريوتتىق كلۋبى, «Pioneer Concept» جەكە قورى ىسكە اسىرعان «اسب (اۋتيستيكالىق سپەكتردىڭ ءب ۇلىنۋى) جانە دامۋىندا وزگە دە ەرەكشەلىكتەرى بار بالالارعا ارنالعان تاۋ شاڭعىسى مەن سنوۋبوردتا جوعارى تاۋ جاعدايىندا بەيىمدەلگەن سىرعاناۋ» قالالىق باعدارلاماسى بيىل قور تاراپىنان قايىرىمدىلىق كومەككە يە بولادى.
الماتى وبلىسىنداعى از قامتىلعان وتباسىلاردان شىققان بالالارعا ارنالعان №15 مەكتەپ-ينتەرناتى 1959 جىلدان بەرى جۇمىس ىستەپ كەلەدى. بۇگىندە مەكتەپتە كوپبالالى, از قامتىلعان جانە تولىق ەمەس وتباسىدان شىققان 250 بالا بار. مەكتەپتە سپورتپەن شۇعىلدانۋعا قاجەتتى ينفراقۇرىلىمدار جەتكىلىكسىز. «الماتى مارافونى» قايىرىمدىلىق قاراجاتى ەسەبىنەن كورسەتىلەتىن قولداۋ بۇل اعاتتىقتىڭ ورنىن تولتىرماق.
«كيروۆ» اسكەري –پاتريوتتىق كلۋبى 2015 جىلى الماتىنىڭ بالالار ۇيلەرى مەن وفيتسەرلەر ءۇيى نەگىزىندە «الماتىنىڭ جالعىزباستى انالارىنا قولداۋ كورسەتۋ جوبالارىمەن» «SOS الماتى بالالار اۋىلى» جوباسىنىڭ نەگىزىندە قۇرىلعان. مۇندا 250 وتباسىنان شىققان جەتكىنشەكتەر بار. 2018 جىلى «كيروۆ» كلۋبى ءۇشىن «سارباز» جازعى پالاتالىق لاگەرى اشىلىپ, جاس شەكاراشىلار, تەڭىز جاياۋ اسكەرى مەن دەسانتشىلار ءۇشىن ارنايى وتريادتار قۇرىلعان. بيىلعى مارافوندا جينالعان قاراجاتتىڭ ءبىر بولىگى 125 جاس اسكەريگە ارنالعان سكالودروم قۇرىلىسىن باستاۋ ىسىنە جۇمسالماق.
«اسب (اۋتيستيكالىق سپەكتردىڭ ءب ۇلىنۋى) جانە دامۋىندا وزگە دە ەرەكشەلىكتەرى بار بالالارعا ارنالعان تاۋ شاڭعىسى مەن سنوۋبوردتا جوعارى تاۋ جاعدايىندا بەيىمدەلگەن سىرعاناۋ جوباسى» اۋتيستيكالىق سپەكترى بۇزىلعان, اقىل-ويى دۇرىس دامىماعان, داۋن سيندرومى مەن دتسپ-عا شالدىققان بالالاردى سپورتتىق دامىتۋ جانە بەيىمدەۋمەن اينالىسادى. بۇل مەكەمە ايرىقشا قولداۋدى قاجەت ەتەتىن بالالاردى وڭالتۋ بويىنشا ەلىمىز ءۇشىن بىرەگەي ادىستەمەلىك ورتالىق. جاتتىعۋ كەزىندە بالا سەنسورلىق ينتەگراتسيا, دەنە تەراپياسىنا قاتىستى ءتۇرلى تاپسىرمالاردى ورىنداپ, قاجەتتى شارالاردان وتەدى. قورشاعان ورتا مەن لاندشافت اۋتيستەرگە جاقسى ىقپال ەتەدى, بۇعان قوسا, تەڭىز دەڭگەيىنەن 2000 مەتر بيىكتىكتە وتتەگى مەن اتموسفەرالىق قىسىم جاعدايىندا كوپتەگەن اۋرۋلاردان ءپاسسيۆتى تۇردە ايىعۋعا بولادى (گيپوكسيتەراپيا).
– بىزدەن قايىرىمدىلىق ماقساتتارعا قاراجاتتى قالاي جينايسىزدار دەپ ءجيى سۇرايدى. بۇل تۋرالى كەڭىرەك ايتار بولسام, ءاربىر قاتىسۋشى «الماتى مارافونىنا» تىركەلە وتىرىپ جانە جارنا تولەۋ ارقىلى قايىرىمدىلىق ماقساتتارعا ءوز ۇلەسىن قوسا الادى. قاجەتتى سوما جينالعاننان كەيىن ءبىز اقشانى تاڭدالعان مەكەمەلەرگە بىردەن بەرە سالمايمىز, كەرىسىنشە, جەكە ءوتىنىم بويىنشا قاجەتتى سپورتتىق ينفراقۇرىلىمدى قالىپتاستىرامىز: سپورت الاڭدارىن, سكالودرومداردى تۇرعىزۋ, سپورتتىق نەمەسە مەديتسينالىق قۇرال-جابدىق ساتىپ الۋ ءىسىن تىكەلەي قولعا الامىز, – دەيدى ء«بىرىنشى بولۋ - باتىلدىق» كورپوراتيۆتى قورىنىڭ ديرەكتورى سالتانات قازىباەۆا
وتكەن جىلعى مارافوندا جينالعان 16 ميلليون تەڭگە تۇتاستاي قايىرىمدىلىق ماقساتتا جۇمسالعان. ۇيىمداستىرۋشىلار بيىل قايىرىمدىلىق شاراسىنا 26 ميلليون تەڭگە ءبولۋدى جوسپارلاپ وتىرعاندارىن ايتادى.
ارمان وكتيابر,
«ەگەمەن قازاقستان»
الماتى
