سىردارياداعى سۋ دەڭگەيى تاسبوگەت گيدروبەكەتىندەگى قاۋىپتى دەڭگەيگە تاياپ قالعان.
ارال مەن قىزىلوردا قالاسى ارالىعىنداعى دارياعا مۇز تۇتاسقاننان قىزىل سۋ جايىلىمدىق جەرلەرگە شىعىپ كەتۋ قاۋپى جوق ەمەس. جاقىندا قىزىلورداداعى ەسكى بوگەتتى سۋ ورىپ كەتكەن ەدى. الايدا, داريانى تولىق باقىلاپ وتىرعان سالا ماماندارى ايتارلىقتاي قاۋىپ جوق ەكەندىگىن ايتادى.
– وڭىردەگى قورعانىس بوگەتتەرى تۇسى سۋ باسۋى مۇمكىن 56 ايماققا بولىنگەن. ولارعا جاۋاپتى رەتىندە بارلىعى 111 مەكەمە بەكىتىلدى. مەكەمەلەردە 425 ارنايى تەحنيكا, 1269 ادام كۇشى بار. سۋ تاسۋ قاۋپى تۋىنداعاندا پايدالانىلاتىن ماتەريالدىق-تەحنيكالىق قور دايىن, – دەدى وبلىستىق جۇمىلدىرۋ دايىندىعى باسقارماسىنىڭ باسشىسى اسىلبەك شامەنوۆ.
جالاعاش اۋدانىندا اقسۋ, شامەنوۆ, تاڭ اۋىلدارى, جالاعاش كەنتى سول سياقتى تەرەڭوزەك كەنتى, قالجان احۋن اۋىلى سونداي دارياعا جاقىن ورنالاسقان ەلدىمەكەندەر بار. بىزدە جالپى جوعارىدان كەلەتىن سۋ 2 مىڭ تەكشە مەتر دەيىن ءتۇسۋ جوسپارلانعان جاعدايدا ءىس-قيمىل الگوريتمى بار. سول كەزدە ارتىق سۋدىڭ ءبارىن الاتىن كولدەر جۇيەسى, كانالدار ءبارى تولىق دايىن دەگەندى وبلىستىق جۇمىلدىرۋ دايىندىعى باسقارماسى باسشىسىنىڭ ورىنباسارى عابيت جاڭاباەۆ ايتادى.
اۋا-رايىن زەرتتەيتىن ماماندار الداعى ۋاقىتتا سۋ دەڭگەيى تاعى دا كوتەرىلەتىندىگىن ناقتىلاپ وتىرعاندىقتان كۇندىز-ءتۇنى كەزەكشىلىك ۇيىمداستىرىلۋدا.
باقتيار تايجان,
«ەگەمەن قازاقستان»
قىزىلوردا وبلىسى
