قازىرگە قاسيەتتى كىتاپ 1 مىڭ دانامەن شىعارىلدى. بۇل اۋدارمانىڭ ەرەكشەلىگى – اۆتور ءوز بەتىنشە قۇرانداعى اراب ءتىلىن ۇيرەنىپ, يسلامداعى قانداي دا ءبىر اعىمداردىڭ اۋانىنا جىعىلماي ءوز بەتىنشە اۋدارىپ وتىر.
اۋدارماشىنىڭ ايتۋىنشا, ول يسلامدى 1998 جىلدان زەرتتەپ كەلەدى. «وسى ارالىقتا مەن تاريقاتتان باستاپ, تاكفىرگە دەيىنگە بارلىق اعىمداردا بولىپ كەلدىم. ۋاقىت وتە كەلە مەن بۇل باعىتتاردىڭ سۋبەكتيۆتى ەكەنىن ءتۇسىنىپ, قۇران ءماتىنىن تىكەلەي ءتۇسىنۋ ءۇشىن ءوز بەتىمشە اراب ءتىلىن ۇيرەنە باستادىم. ول ءۇشىن ماسكەۋ مەملەكەتتىك ۋنيۆەرسيتەتىنىڭ پروفەسسورى ۆ.ۆ.لەبەدەۆتىڭ «ۋچيس چيتات كوران پو ارابسكي» اتتى ءۇش تومدىق كىتابى مەن بارانوۆتىڭ ەكى تومدىق سوزدىگىن ساتىپ الدىم. بۇكىل كۋرستى 1,5 جىل ىشىندە وقىپ شىقتىم. وعان قوسا, قۇراننىڭ ورىس تىلىندەگى 15 شاقتى اۋدارماسىن زەرتتەپ, بۇل اۋدارمالار يسلامداعى بەلگىلى ءبىر كوزقاراستاردىڭ نەگىزىندە جاسالعانىن ءتۇسىندىم. مەنىڭ اۋدارمام قۇران ءوزىن-ءوزى تۇسىندىرەتىندەي ادىستەمەگە نەگىزدەلگەن» دەيدى سەرىك رىسجانوۆ.
اۋدارماشى قۇراندى ءتۇسىنۋ ءۇشىن ادامداردا باسقا دا بالاما بولۋى كەرەك دەپ ەسەپتەيدى.
ءباسپاسوز ءماسليحاتىندا اۋدارماشىنىڭ مۇددەلەس دوسى ءال-فارابي بولاتجان رىسجانوۆتىڭ ماقالالارىن اۋدارۋمەن اينالىساتىندىعىن ايتا كەلە, كەلەشەكتە قۇراندى قازاق تىلىنە اۋدارۋعا نيەتتى ەكەندىگىن اتادى. قازىر ءوزى دە اراب ءتىلىن مەڭگەرۋگە كىرىسكەن.
«قازاق ءتىلدى ورتادا رۋحاني ماتەريالدار از, بار بولسا دا, ولاردىڭ بالاماسى جوق. مۇسىلماندارداعى باستى قيىندىق – ولار قۇراندى شاشىراڭقى تۇردە وزگەلەردىڭ كوزقاراسى ارقىلى قابىلدايدى. سەرىك رىسجانوۆتىڭ اۋدارماسىندا ەكسترەميزم مەن راديكاليزمگە جول بەرىلمەگەن, ال بۇل ءبىزدىڭ ەل ءۇشىن اسا وزەكتى», – دەيدى بولاتجان مىرزا.
اتالمىش جوبانىڭ دەمەۋشىسى نيكيتا رەزانوۆ: «مەن يسلامدا ءبىر-بىرىنە قاراما-قايشى اعىمداردىڭ كوپ ەكەندىگىن بايقادىم. كورەيادا مۇسىلماندارمەن بىرگە وقىپ جۇرگەندە ولاردىڭ كوپشىلىگىنىڭ رۋحاني قۇلدىراۋىنا كۋا بولدىم. بارلىق ءدىني باعىتتاردان كوڭىلىم قالدى. ويتكەنى بۇل اعىمداردىڭ بارلىعى دا تەك وزدەرىنىڭ ارتىقشىلىقتارىنا سەنەدى. بالامالى اۋدارماعا جولىققان كەزدە, مۇنداي ەڭبەكتىڭ قازاقستان حالقىنا قاجەت ەكەندىگىن ءتۇسىنىپ, باسقا دەمەۋشىلەرمەن بىرگە باسىلىمدى تاراتۋعا كومەكتەسۋ قاجەت دەپ شەشتىم» دەيدى.
ايناش ەسالي,
«ەگەمەن قازاقستان».
الماتى
