تاراتا ايتساق, وبلىس ورتالىعى تۇركىستان قالاسىندا – 20 ءۇي, كەنتاۋدا – 15, سارىاعاش اۋدانىندا – 13, تۇلكىباس اۋدانىندا – 7, ارىس قالاسىندا – 3, جەتىساي اۋدانىندا – 2, شاردارا اۋدانىندا – 2, وتىرار اۋدانىندا – 1 ءۇي سالىنادى. بيىل وسى ۇيلەردىڭ 47-ءسىن پايدالانۋعا بەرۋ جوسپارلانعان. سونداي-اق «نۇرلى جەر» باعدارلاماسى بويىنشا وتكەن جىلدىڭ باسىندا 13 اۋدان, قالا اكىمدىكتەرىنە 31 ەكىقاباتتى (330 پاتەر, 13,9 مىڭ ش.م.) تۇرعىن ءۇي سالۋعا وبلىستىق بيۋدجەتتەن قارجى قاراستىرىلعان بولاتىن. بۇگىنگى تاڭدا 12 (124 پاتەر) تۇرعىن ءۇيدىڭ قۇرىلىسى اياقتالعان, 19 ءۇي (190 پاتەر) 2019 جىلدىڭ ءبىرىنشى جارتىجىلدىعىندا پايدالانۋعا تاپسىرىلماق.
ال «7-20-25» باعدارلاماسى اياسىندا تۇركىستان قالاسىندا «اكك تۇركىستان» اق-ى جانە جەكە سالۋشى ارقىلى قۇرىلىسى وتكەن جىلى باستالعان 6 كوپقاباتتى تۇرعىن ءۇيدى (336 پاتەر, 26,1 مىڭ ش.م.) بيىل 3-توقساندا پايدالانۋعا بەرۋ جوسپارلانىپ وتىر. سونىمەن قاتار, تۇركىستان قالاسى, وتىرار مولتەكاۋدانىندا «تۇركىستان – جاڭا قالا» تۇرعىن ءۇي كەشەندەرىندەگى اۋماعى 38 گەكتار جەر تەلىمىندە 88 (2724 پاتەر, 196,3 مىڭ ش.م.) كوپقاباتتى تۇرعىن ءۇي بوي كوتەرىپ, اعىمداعى جىلى 44 تۇرعىن ءۇي, ياعني 1362 پاتەر «7-20-25» باعدارلاماسى ارقىلى بەرىلەتىن بولادى.
عالىمجان ەلشىباي,
«ەگەمەن قازاقستان»
تۇركىستان وبلىسى
