وبلىستىق جۇمىلدىرۋ دايىندىعى باسقارماسىنىڭ مالىمەتىنە سايكەس, 2019 جىلدىڭ 9 قاڭتار كۇنى 19 ساعات 29 مينۋت شاماسىندا قىزىلوردا قالاسى, ناۋرىز ساياجايى, ماحمۇتوۆ كوشەسىندەگى ۇيدە ءورت شىققان.
ءۇي يەسى قۇلماعامبەتوۆ جاسۇلان تۇرسىنبەك ۇلى اتىراۋ قالاسىندا ۆاحتالىق ادىسپەن جۇمىس ىستەيدى ەكەن.
وقيعا سالدارىنان اتالعان ءۇيدىڭ تۇرعىندارى 2011 جىلى تۋىلعان تۇرسىنبەك الديار, 2012 جىلعى تۇرسىنبەك الينۇر وبلىستىق جەدەل-جاردەم ستانساسىنىڭ توپ جاساعى وقيعا ورنىنا جەتكەنگە دەيىن, ال 2014 جىلعى تۇرسىنبەك ابزال وبلىستىق بالالار اۋرۋحاناسىنا جەتكىزۋ جولىندا قايتىس بولدى. ءۇش ءجاسوسپىرىم دە وكپە ءىسىنۋى جانە كومىرتەك توتىعىنان اۋىر دارەجەلى ۋلانۋدان كوز جۇمدى.
سونىمەن قاتار, ورتتەن بالاردى اراشالاۋعا كەلگەن اعايىندارى ايتباەۆ نارتاي جانە جىلتىروۆا گۇلنۇر وقيعا ورنىنان بالالاردى الىپ شىعىپ, ءارتۇرلى دەنە جاراقاتتارىمەن وبلىستىق مەديتسينا ورتالىعىنا جەتكىزىلدى.
ن.ايتباەۆ جانساقتاۋ بولىمىنە جاتقىزىلدى. ال, گ.جىلتىروۆا دارىگەرلىك كومەك الىپ ۇيىنە قايتارىلدى. ەكى زارداپ شەگۋشىگە دە «كومىرقىشقىل گازىنان اۋىر دارەجەدەگى ۋلانۋ» دياگنوزى قويىلعان.
ءورت جارتى ساعاتتا ءوشىرىلدى. زارداپ شەككەن وتباسىعا جەرگىلىكتى بيلىك بارلىق كومەكتى ۇيىمداستىرماق.
باقتيار تايجان,
«ەگەمەن قازاقستان»
قىزىلوردا وبلىسى
