ءبىر وكىنىشتىسى, استراحان, اقكول, بۇلاندى, بۋراباي جانە زەرەندى اۋداندارىندا جەرگىلىكتى اتقارۋشى بيلىك از قامتاماسىز ەتىلگەن وتباسىلارىنىڭ بالالارىن عانا ىستىق تاماقپەن قامتاماسىز ەتىپ وتىر. ال جالپى بۇل جايدىڭ وسى اۋدانداردا دۇرىس ۇيىمداستىرىلماي وتىرعاندىعىن ايتا كەتۋگە ءتيىستىمىز.
وتكەن جىلى كوكشەتاۋ قالاسىنداعى مەكتەپتەردە ءبىر وقۋشىنىڭ تاماقتانۋىنا تاۋلىگىنە 172 تەڭگە جۇمساسا, 2019-2021 جىلدارعا ارنالعان بيۋدجەتىندە بۇل سومما 235 تەڭگە بولىپ بەكىتىلدى. قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ 2017 جىلعى 22 اقپانداعى №76 بۇيرىعىنا سايكەس قالا مەكتەپتەرىندە اتا-انالار كوميتەتىنىڭ, ءبىلىم مەكەمەلەرىنىڭ باسشىلارى جانە مەديتسينالىق ۇيىمداردىڭ قىزمەتكەرلەرىنىڭ قاتىسۋىمەن تاعام ساپاسىنا مونيتورينگ جۇرگىزىپ وتىراتىن ارنايى كوميسسيا قۇرىلىپ, جۇمىس ىستەۋدە. بۇعان قوسا, ءبىلىم بەرۋ ءبولىمىنىڭ جانىنان ۆەدومستۆوارالىق ساراپشى توپ قۇرىلدى. بۇل توپ وتكەن جىلدىڭ قازان جانە جەلتوقسان ايلارىندا وبلىس ورتالىعىنداعى №2, №3, №4, №5 جانە №8 ورتا مەكتەپتەردە تاعام ساپاسىنا بايلانىستى تەكسەرىس جۇرگىزىپ, مەكتەپ سايتتارىندا اس ءمازىرى مەن ەسەپتىڭ جوقتىعىن انىقتاپ, بىرقاتار ەسكەرتۋ جاسادى.
بايقال ءبايادىل,
«ەگەمەن قازاقستان»
اقمولا وبلىسى
