وتكەن جىلدىڭ وسى كەزەڭمەن سالىستىرعاندا بۇل كورسەتكىش 106,1% وسكەندىگىن بايقاۋعا بولادى. ولاردىڭ ىشىندە - زاڭدى تۇلعالار 107 (2017 جىلى 92 نەمەسە 116,3%), دارا كاسىپكەرلەر – 1734 (2017 جىلى 1586 نەمەسە 108,9%), شارۋا قوجالىقتارى – 438 (2017 جىلى 390 نەمەسە 115,1%). بۇل كورسەتكىش تولىقتاي ورىندالدى. سونداي-اق, اۋداننىڭ كاسىپكەرلىك سالاسىنا تىڭ باستاما الىپ كەلىپ جاتقان كاسىپ يەلەرى دە بار ەكەن. ماسەلەن, التى كاسىپكەر اۋلاۋعا تىيىم سالىنباعان بالىقتاردى (كەفال, سۋداك ت,ب) اۋلاۋ ءۇشىن ارنايى رۇقسات الىپ, اۋدان حالقىن بالىق ونىمدەرىمەن قامتىپ وتىر.
سونىمەن قاتار, قاراقيا اۋدانىندا بۇقارالىق سپورتپەن اينالىساتىندار سانى 9 پايىزعا وسكەن. مادەنيەت جانە سپورت سالاسى بويىنشا 2018 جىلدا اۋدان كولەمىندە مەملەكەتتىك مەرەكەلەرى مەن اتاۋلى كۇندەرگە ورايلاستىرىلعان 324 مادەني, 107 سپورتتىق شارالارى ۇيىمداستىرىلدى. جالپى اۋدان بويىنشا مادەني 64 كلۋبتىق كۇرىلىم بار, اۋداننىڭ سپورت مەكتەپتەرىندە 54 توپتا 832 بالا سپورتپەن شۇعىلدانادى.
وسى جىلى 1-سپورتشى قازاقستان رەسپۋبليكاسىنىڭ سپورت شەبەرى, 71-سپورتشى قازاقستان رەسپۋبليكاسىنىڭ سپورت شەبەرىنە ۇمىتكەر ءنورماتيۆىن ورىنداعان. بۇقارالىق سپورتپەن 14942 تۇرعىن شۇعىلدانادى, ول جالپى اۋدان حالقىنىڭ 39,9 % قۇراپ وتىر. وتكەن جىلعا سالىستارعاندا 8,9% وسكەن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
