كونگرەسكە قازاقستان, وزبەكستان, تاجىكستان, موڭعوليا, قىرعىزستان, رەسەي, اۋعانستان, اقش, جالپى جيىنى سەگىز ەلدىڭ وكىلدەرى اتالمىش باسەكەگە قاتىستى وي-پىكىرلەرىن ورتاعا سالىپ, كوكپاردان ءىى الەم چەمپيوناتىنا دايىندىق جۇمىستارىن پىسىقتادى.
جيىنعا قاتىسۋشىلاردىڭ حاتتاماعا تۇسكەن ورتاق شەشىمى بويىنشا, جارىستىڭ ەرەجەلەرىن ناقتىلاۋعا ارنالعان كەزەكتى كونگرەسس استانادا وتەتىن بولىپ بەكىتىلدى.
ەسكە سالا كەتەيىك, 2017 جىلى «ەكسپو-2017» كورمەسى اياسىندا كوكپاردان تۇڭعىش الەم چەمپيوناتى تۇركى حالىقتارىنىڭ ءداستۇرلى سپورت تۇرلەرى حالىقارالىق قاۋىمداستىعىنىڭ ۇيىمداستىرۋىمەن استانا قالاسىندا وتكەن ەدى. مارتەبەلى جارىسقا اقش, قىرعىزستان, وزبەكستان, تۇركيا, رەسەي, تاجىكستان, قىتاي, موڭعوليا, اۋعانستان, ۆەنگريا جانە ءوز ەلىمىزدىڭ كوكپارشىلارى قاتىستى.
جالپى جۇلدە قورى 18 ميلليون تەڭگەنى قۇراعان ءى الەم چەمپيوناتىنىڭ اقتىق سىنىندا قازاقستان قۇراما كومانداسى ايىر قالپاقتى اعايىنداردى 3:1 ەسەبىمەن جەڭىپ, الەم چەمپيونى اتانعان ەدى.
