CENI سايلاۋ الدى كوميسسياسى وكىلدەرىنىڭ مالىمەتىنشە, ناتيجەلەردى جاريا ەتۋگە اقپارات جيناۋ ماسەلەلەرى سەبەپ بولعان.
كونگوداعى سايلاۋدا چيسيكەديدىڭ باستى قارسىلاستارى بيلەۋشى پارتيادان ۇمىتكەر ەممانۋەل رامازان شاداري مەن وپپوزيتسيا كوشباسشىسى مارتين فايۋلۋ بولدى. داۋىس بەرۋ اياقتالعاننان كەيىن بىردەن جوعارىدا اتالعان كانديداتتاردىڭ ارقايسىسى سايلاۋدا ءوز جەڭىسىنە سەنگەن.
ايتا كەتۋ كەرەك, كونگوداعى پرەزيدەنت سايلاۋى 2016 جىلدان باستاپ بىرنەشە رەت شەگەرىلىپ, 2018 جىلدىڭ جەلتوقسان ايىنىڭ سوڭىنا بەكىتىلگەن. سوعان قاراماستان بىرنەشە ەلدى-مەكەندە ەبولا ۆيرۋسى مەن ەتنيكالىق قاقتىعىستار قاۋپىنە بايلانىستى داۋىس بەرۋدى وسى جىلدىڭ ناۋرىزىنا دەيىن كەيىنگە قالدىرىلعان.
فەليكس چيسيكەدي - «دەموكراتيا جانە الەۋمەتتىك پرگرەسس وداعى» وپپوزيتسيالىق پارتياسىنىڭ كوشباسشىسى. كەي ساراپشىلاردىڭ پىكىرىنشە, ول ەۋروپامەن تىعىز قارىم-قاتىناس ورناتپاق. سونداي اق رەسەيلىك inforeactor ينتەرنەت-باسىلىمىنىڭ جازۋىنشا, ونىڭ سايلاۋالدى ناۋقانىن اقشتىڭ قارجىلاندىرعان.
